Around us
മര്‍ക്കസ് നോളജ് സിറ്റിയില്‍ നിര്‍മാണത്തിലിരുന്ന കെട്ടിടം തകര്‍ന്നു വീണു; 15 പേര്‍ക്ക് പരിക്ക്
താമരശ്ശേി മര്‍ക്കസ് നോളജ് സിറ്റിയില്‍ നിര്‍മാണത്തിലിരുന്ന കെട്ടിടം തകര്‍ന്നു വീണു. അപകടത്തില്‍ 15 തൊഴിലാളികള്‍ക്ക് പരിക്കേറ്റു. രണ്ട് പേരുടെ നില ഗുരുതരമാണ്. 13 പേരെ കോഴിക്കോട് മെഡിക്കല്‍ കോളേജില്‍ പ്രവേശിപ്പിച്ചിരിക്കുകയാണ്. ണ്ട് പേര്‍ താമരശ്ശേരി ആശുപത്രിയില്‍ ചികിത്സയില്‍ തുടരുന്നു. നിര്‍മ്മാണ തൊഴിലാളികള്‍ക്കാണ് പരിക്കേറ്റത്. പരിക്കേറ്റവരില്‍ അധികവും ഇതര സംസ്ഥാന തൊഴിലാളികളാണ്.
സ്വകാര്യ സ്‌കൂള്‍ കെട്ടിടത്തിന്റെ നിര്‍മാണത്തിനിടയിലാണ് അപകടം സംഭവിച്ചത്. കെട്ടിടത്തിന്റെ ഒന്നാം നിലയുടെ കോണ്‍ക്രീറ്റ് ജോലികള്‍ നടക്കുകയായിരുന്നു. തൂണ്‍ തെന്നിമാറിയതിനെ തുടര്‍ന്നാണ് അപകടം സംഭവിച്ചതെന്നാണ് പ്രാഥമിക നിഗമനം. കാന്തപുരത്തിന്റെ നേതൃത്വത്തിലുള്ള ട്രസ്റ്റിന്റെയാണ് കെട്ടിടം. നിര്‍മ്മാണം നടത്തുന്നത് മര്‍ക്കസ് നേരിട്ടാണ്.
