അദാനി ഗ്രൂപ്പിനെതിരെ മുന്പ് വെളിപ്പെടുത്തല് നടത്തിയ അമേരിക്കന് ഷോര്ട്ട് സെല്ലിംഗ് കമ്പനിയും മാര്ക്കറ്റ് റിസര്ച്ച് സ്ഥാപനവുമായ ഹിന്ഡന്ബര്ഗ് സെബി ചെയര്പേഴ്സണ് മാധബി പുരി ബുച്ചിനും ഭര്ത്താവ് ധവാല് ബുച്ചിനും എതിരെ പുതിയ വെളിപ്പെടുത്തല് നടത്തിയിരിക്കുന്നു. അദാനിയുടെ കടലാസ് കമ്പനികളില് സെബി ചെയര്പേഴ്സണും ഭര്ത്താവിനും നിക്ഷേപമുണ്ടെന്നാണ് വെളിപ്പെടുത്തല്. ഇതിന്റെ പശ്ചാത്തലത്തില് അദാനി ഗ്രൂപ്പിന്റെ ഓഹരികളില് വീണ്ടും ഇടിവ് രേഖപ്പെടുത്തിയിരിക്കുകയാണ്. ആരോപണം സംയുക്ത പാര്ലമെന്ററി സമിതി അന്വേഷിക്കണമെന്ന് കോണ്ഗ്രസ് ആവശ്യപ്പെട്ടു. സെബി ചെയര്പേഴ്സണ് രാജി വെക്കണമെന്ന ആവശ്യവും ശക്തമായി ഉയരുകയാണ്. രാജ്യത്തെ ഓഹരി വിപണിയെ നിയന്ത്രിക്കുന്ന സെബിയുടെ തലപ്പത്ത് ഇരിക്കുന്നയാള് ആരോപണ വിധേയരായ അദാനിയുടെ കടലാസ് കമ്പനികളില് വന് നിക്ഷേപം നടത്തിയിരുന്നുവെന്ന വെളിപ്പെടുത്തല് എത്രമാത്രം ഗുരുതരമാണ്? ടു ദി പോയിന്റ് ചര്ച്ച ചെയ്യുന്നു.