മലയാളത്തിലെ ഒരു പ്രേത സിനിമ എന്ന് ചിന്തിക്കുമ്പോള് പെട്ടെന്ന് ഓര്മ്മയിലേക്ക് വരുന്ന ഒന്നും ഇഷ എന്ന ചിത്രത്തില് ഇല്ലെന്ന് നായകന് കിഷോര് സത്യ. ലോകത്തിലെ പല കോണിലുള്ള സിനിമകള് കാണുന്ന പുതിയ തലമുറക്ക് മുന്നിലേക്ക് പ്രേതസിനിമകളുടെ ക്ലീഷേ കൊണ്ടുവന്നാല് ഫലിക്കില്ലെന്ന് സംവിധായകന് ജോസ് തോമസിനും നിശ്ചയമുണ്ടായിരുന്നുവെന്ന് കിഷോര് സത്യ.
പാരനോര്മല് ഇന്വെസ്റ്റിഗേറ്റര് ഇംതിയാസ് മുനവര് എന്ന കഥാപാത്രമായാണ് കിഷോര് സത്യ ഇഷ എന്ന സിനിമയില് എത്തുന്നത്. പ്രേതത്തെ പിടിക്കുന്ന മുതലാളിയെന്ന് മലയാളത്തില് വേണമെങ്കില് പറയാമെന്ന് തമാശയായി കിഷോര് സത്യ.
ഹൊറര് ത്രില്ലര് എന്നതിനൊപ്പം സമൂഹം ഇന്ന് നേരിടുന്ന പ്രധാന വിഷയം സിനിമ കൈകാര്യം ചെയ്യുന്നുണ്ടെന്നും കിഷോര് സത്യ ദ ക്യു അഭിമുഖത്തില് പറയുന്നു.
ഒരു സിനിമയെക്കുറിച്ച് എത്ര നല്ലത് പറഞ്ഞാലും സിനിമ നല്ലതാണെങ്കില് മാത്രമാണ് സ്വീകരിക്കപ്പെടുക. മലയാളത്തിലെ പ്രേക്ഷകരെ പറ്റിക്കാനാകില്ല. മാട്ടുപ്പെട്ടി മച്ചാന്, ഉദയപുരം സുല്ത്താന്, മായാമോഹിനി, സ്വര്ണക്കടുവ എന്നീ വിജയ ചിത്രങ്ങള്ക്ക് ശേഷം ജോസ് തോമസ് സംവിധാനം ചെയ്ത ചിത്രവുമാണ് ഇഷ