മോഹൻകുമാർ ഫാൻസിൽ ആസിഫ് അലി ചെയ്ത കഥാപാത്രം ചെയ്യുവാനായി മറ്റൊരു താരത്തെ ആയിരുന്നു ആദ്യം തീരുമാനിച്ചിരുന്നതെന്ന് സംവിധായകൻ ജിസ് ജോയ്. മറ്റൊരു സിനിമയിൽ ആ താരം അഭിനയിച്ച് കൊണ്ടിരിക്കുകയായിരുന്നു. ആ സിനിമയിലെ സംവിധായകൻ തന്റെ എന്റെ അഭിനയിക്കുവാൻ ആ താരത്തെ അനുവദിക്കുന്നില്ലെന്ന് പറഞ്ഞു. സിനിമാ ഇൻഡസ്ട്രിയിൽ ഗ്ലോറിഫൈഡ് പരിവേഷമുള്ള മാലാഖയുടെ ഇമേജുള്ള സംവിധായകനാണ് അയാളെന്ന് സംവിധായകൻ ജിസ് ജോയ് ദ ക്യു അഭിമുഖത്തിൽ പറഞ്ഞു.

ജിസ് ജോയ് അഭിമുഖത്തിൽ പറഞ്ഞത്.

മോഹൻകുമാർ ഫാൻസിൽ ആസിഫ് അലിയുടെ കഥാപാത്രം ചെയ്യുവാനായി മറ്റൊരു താരത്തെ ആയിരുന്നു നിശ്ചയിച്ചിരുന്നത്. ഈ സിനിമയിൽ ആ താരത്തിന് ചെയ്യുവാൻ രണ്ട് സീനേ ഉള്ളൂ. മൂന്ന് മാസം മുന്നേ കമ്മിറ്റ് ചെയ്തതാണ്. എന്നാൽ ഈ താരം അഭിനയിക്കുന്ന സിനിമയുടെ സംവിധായകൻ എന്റെ സിനിയിൽ അഭിനയിക്കുവാൻ വിടുന്നില്ല എന്ന് എന്നോട് പറഞ്ഞു. അതിനുള്ള കാരണങ്ങൾ ഒന്നും തന്നെ ആ സംവിധായകൻ പറയുന്നുമില്ല. അങ്ങനെ ഞാനും നിർമ്മാതാവ് ലിസ്റ്റിനും കൂടി ആ സംവിധായകനെ നേരിൽ പോയി കണ്ട് സംസാരിച്ചു . സിനിമാ ഇൻഡസ്ട്രിയിൽ ഗ്ലോറിഫൈഡ് പരിവേഷമുള്ള മാലാഖയുടെ ഇമേജുള്ള സംവിധായകനാണ് . അങ്ങനെ ഞാനും സ്റ്റീഫനും ആ മാലാഖയോട് മൂന്ന് മണിക്കൂർ നേരമെങ്കിലും സംസാരിച്ചു. പക്ഷെ അയാൾ സമ്മതിക്കുവാൻ കൂട്ടാക്കിയില്ല. ഞാനും ലിസ്റ്റിനും വ്യസ്തമായ സ്ട്രാറ്റജിയായിരുന്നു ഉപയോഗിച്ചിരുന്നത്. അങ്ങനെ എന്റെ നാലാമത്തെ സിനിമയിലും ആസിഫ് തന്നെ അഭിനയിച്ചു. ഏത് സമയത്തും ആസിഫ് എന്റെ അത്താഴമാണ്‌. ഞാൻ ആസിഫിനോട് നടന്ന കാര്യങ്ങളൊക്കെ പറഞ്ഞു. അപ്പോൾ ആസിഫ് പറഞ്ഞു, ഞാൻ അഭിനയിച്ചാൽ മതിയോ? അപ്പോൾ ഞാൻ പറഞ്ഞു, താൻ അഭിനയിച്ചാൽ അടിപൊളിയല്ലേ? എന്റെ അനുഭവത്തിൽ യാതൊരുവിധ കറയുമില്ലാത്ത ആളാണ് ആസിഫ് അലി. അവന് എന്തെങ്കിലും ഇഷ്ടമില്ലാത്തത് ഉണ്ടെങ്കിൽ അത് അവന്റെ കണ്ണുകളിൽ കാണുവാൻ പറ്റും. മുഖസ്തുതിയൊന്നും പറയാതെ എല്ലാം തുറന്ന് പറയുന്ന ആളാണ് ആസിഫ് അലി.