സത്യന്‍ അന്തിക്കാട് വിളിച്ചാല്‍ കാളിദാസനുമായി സിനിമ ചെയ്യാന്‍ റെഡിയെന്ന് ജയറാം. സത്യേട്ടനൊപ്പം രണ്ടാള്‍ക്കും സിനിമ ചെയ്യണമെന്ന് ഭയങ്കര ആഗ്രഹമുണ്ട്. സത്യേട്ടനാണ് ആദ്യം ഞങ്ങളെ രണ്ട് പേരെയും ഒരുമിച്ച് അഭിനയിപ്പിച്ചതെന്നും ജയറാം. ദ ക്യു വീഡിയോ അഭിമുഖം ടോക്കീസില്‍ ആണ് ജയറാമിന്റെ പ്രതികരണം.

ഞാന്‍ ഡബ്ബ് ചെയ്തപ്പോള്‍ വിജയ് സേതുപതിയുടെ ഭാഗം പ്ലേ ചെയ്ത് കണ്ടിരുന്നു. ശരിക്കും കണ്ണ് നിറഞ്ഞുപോകുന്നതാണ് അദ്ദേഹത്തിന്റെ പ്രകടനം. കാത്തുസൂക്ഷിക്കുന്ന നല്ല സുഹൃത് ബന്ധമാണ് വിജയ് സേതുപതി മലയാളത്തിലെത്താന്‍ കാരണം. നിര്‍മ്മാതാവും സംവിധായകനും പറഞ്ഞത് പ്രകാരമാണ് വിജയ് സേതുപതിയെ മലയാളത്തിലേക്ക് ക്ഷണിച്ചത്. ഫോണില്‍ കഥ കേട്ടപാടെ മലയാളത്തില്‍ ചെയ്യാമെന്ന് സമ്മതിക്കുകയായിരുന്നു. അമ്പരപ്പിച്ച നടനാണ് വിജയ് സേതുപതിയെന്നും ജയറാം പറയുന്നു.