പെണ്‍കുട്ടികള്‍ക്ക് വാങ്ക് വിളിക്കാന്‍ പറ്റില്ലെന്ന് അറിയില്ലായിരുന്നുവെന്ന് നടി അനശ്വര രാജന്. പെണ്‍കുട്ടികള്‍ക്ക് വാങ്ക് വിളിച്ചാല് എന്താണെന്ന ചിന്തയാണ് 'വാങ്ക്' എന്ന സിനിമയുടെ കഥ കേട്ടിയപ്പോള്‍ തോന്നിയത്. ആ സ്പാര്‍ക്കില്‍ നിന്നാണ് സിനിമ ചെയ്യാന്‍ തീരുമാനിച്ചത്. ദ ക്യു അഭിമുഖത്തിലാണ് അനശ്വര രാജന് ഇക്കാര്യം പറഞ്ഞത്.
കാവ്യ പ്രകാശ് സംവിധാനം ചെയ്ത 'വാങ്ക്' ഉണ്ണി. ആര്‍ എഴുതിയ ഇതേ പേരിലുള്ള കഥയെ ആധാരമാക്കിയുള്ള സിനിമയാണ്. ഷബ്‌ന മുഹമ്മദ് തിരക്കഥയെഴുതിയിരിക്കുന്നു. സഹനിര്‍മ്മാതാവും ഉണ്ണി. ആര്‍ ആണ്. കഥാപാത്രത്തിനായുള്ള തയ്യാറെടുപ്പില്‍ ആദ്യം മുതല്‍ ഉണ്ണി. ആര്‍ സഹായിച്ചിരുന്നതായും അനശ്വര രാജന്.
വാങ്ക് വിളിക്കാന്‍ ആഗ്രഹിക്കുന്ന മുസ്ലിം പെണ്‍കുട്ടിയെയാണ് അനശ്വര രാജന് അവതരിപ്പിക്കുന്നത്. വിനീത്, ഷബ്‌ന മുഹമ്മദ്, മേജര്‍ രവി, ജോയ് മാത്യു എന്നിവരും ചിത്രത്തിലുണ്ട്. സംവിധായകന്‍ വി.കെ പ്രകാശിന്റെ മകള്‍ കൂടിയാണ് സംവിധായിക കാവ്യ പ്രകാശ്.