റോഡിന് കുറുകെ സീബ്രാ ലൈനില് കിടന്ന യുവാവിനെ ദുബായ് പോലീസ് അറസ്റ്റ് ചെയ്തു. തിരക്കേറിയ ദേര അല് മുറാഖാബാദ് സലാഹ് അല് ദിന് സ്ട്രീറ്റിലാണ് വിചിത്രസംഭവമുണ്ടായത്. ട്രാഫിക് സിഗ്നല് റെഡ് ആയിരുന്ന സമയത്താണ് യുവാവ് തലയിണയുമായി എത്തുകയും സീബ്രാ ക്രോസിംഗില് കിടക്കുകയും ചെയ്തത്. ടിക്ടോകില് പോസ്റ്റ് ചെയ്ത് ഈ വീഡിയോ പിന്നീട് മറ്റ് സമൂഹമാധ്യമങ്ങളിലും വൈറലായിരുന്നു.
എനിക്ക് മരിക്കാന് ഭയമില്ല, പക്ഷെ അന്യരാജ്യത്ത് മരിക്കാന് ഭയമാണ് എന്നാണ് വീഡിയോയില് പറയുന്നത്. യഥാർത്ഥ വീഡിയോ പിന്നീട് ഡിലീറ്റ് ചെയ്തുവെങ്കിലും നിരവധി പേർ ഇതിനകം തന്നെ ഇത് ഷെയർ ചെയ്തിരുന്നു.
മനപ്പൂർവ്വം സ്വയം ജീവന് അപകടത്തിലാക്കുകയും ഒപ്പം റോഡിലുളള മറ്റുളളവരുടെ ജീവന് അപകടത്തിലാക്കുകയും ചെയ്തതിനാണ് ദുബായ് പോലീസ് ഇയാളെ അറസ്റ്റ് ചെയ്തത്. ഏഷ്യന് സ്വദേശിയാണ് ഇയാളെന്നും ദുബായ് പോലീസ് ട്വീറ്റില് വ്യക്തമാക്കുന്നു. ഇയാള്ക്ക് 2021 ലെ ഫെഡറല് പീനല് കോഡ് നമ്പർ 31 പ്രകാരം തടവും പിഴയും ശിക്ഷ ലഭിക്കും. ഇയാളെ കുറിച്ചുളള കൂടുതല് വിശദാംശങ്ങളൊന്നും പോലീസ് വെളിപ്പെടുത്തിയിട്ടില്ല.