കേരളത്തില് നിന്നും ഖത്തര്, ബഹ്റൈന്, യുഎഇ, ഒമാന്, സൗദി അറേബ്യ എന്നിവിടങ്ങളിലേക്കുള്ള വിമാന സര്വീസുകള് പുനരാരംഭിച്ച് എയര് ഇന്ത്യ എക്സ്പ്രസ്. കേരളത്തിലെ നാല് വിമാനത്താവളങ്ങള്ക്ക് പുറമെ അമൃത്സര്, ബെംഗളൂരു, ഡല്ഹി, ഹൈദരാബാദ്, ജയ്പൂര്, ലഖ്നൗ, മംഗളൂരു, മുംബൈ, തിരുച്ചിറപ്പള്ളി, വാരാണസി എന്നിവിടങ്ങളില് നിന്നും ഗള്ഫ് മേഖലകളിലേക്ക് വിമാന എയര് ഇന്ത്യ എക്സ്പ്രസ് സര്വീസുകള് പുനരാരംഭിച്ചിട്ടുണ്ട്. ഏപ്രില് 30 മുതലാണ് സര്വീസുകള് പുനരാരംഭിച്ചത്.
ദുബായ്, അബുദാബി, റാസല് ഖൈമ, ഷാര്ജ, അലൈന്, മസ്ക്കറ്റ്, ജിദ്ദ, റിയാദ്, ദമാം, ബഹ്റൈന്, ദോഹ, കുവൈറ്റ് എന്നിവിടങ്ങളിലേക്കാണ് എയര് ഇന്ത്യ എക്സ്പ്രസ് വിമാന സര്വീസുകള് പുനരാരംഭിച്ചത്. അവധിക്കാലം കൂടി എത്തുന്നതോടെ കുടുംബ സമേതം യാത്രയ്ക്കൊരുങ്ങുന്ന പ്രവാസികള്ക്ക് ഇത് ഗുണകരമാകുമെന്നാണ് വിലയിരുത്തല്