"ഓരോ ഹൃദയത്തിലുമുണ്ട് ശവകുടീരം! ഓരോ ഹൃദയത്തിലുമുണ്ട് ശ്മശാനം! പ്രേമത്തിന്റെ ശവകുടീരം! പ്രേമത്തിന്റെ ശ്മശാനം"
വൈക്കം മുഹമ്മദ് ബഷീറിന്റെ 'ഭാർഗ്ഗവീനിലയം' എന്ന തിരക്കഥയെ അടിസ്ഥാനമാക്കി ആഷിക് അബു സംവിധാനം ചെയ്യുന്ന 'നീലവെളിച്ചം' എന്ന സിനിമയിലെ പുതിയ വീഡിയോ ഗാനം പുറത്തിറങ്ങി. ടൊവിനോ തോമസും റിമ കല്ലിങ്കലുമാണ് പ്രധാന വേഷങ്ങളിൽ.
എം എസ് ബാബുരാജ് പി ഭാസ്ക്കരൻ ടീമിന്റെ ഏകാന്തയെ തൊട്ടുണർത്തുന്ന " ഏകാന്തയുടെ മഹാതീരം...."എന്നാരംഭിക്കുന്ന ഗാനമാണ് റിലീസായത്. 1964-ൽ വൈക്കം മുഹമ്മദ് ബഷീറിന്റെ തിരക്കഥയിൽ വിൻസന്റ് മാസ്റ്റർ സംവിധാനം ചെയ്ത് മധു, പ്രേംനസീർ, വിജയനിർമ്മല, അടൂർ ഭാസി, കുതിരവട്ടം പപ്പു തുടങ്ങിയവർ അഭിനയിച്ച ക്ലാസിക് സിനിമയായ ഭാർഗ്ഗവീനിലയത്തിന്റെ പുനരാവിഷ്കാരമാണ് 'നീലവെളിച്ചം'. ഈ സിനിമയിലെ ഗാനങ്ങളാണ് ബിജിബാൽ,റെക്സ് വിജയൻ എന്നിവരുടെ നേതൃത്വത്തിൽ പുനവരാവിഷ്കരിക്കപ്പെട്ടിരിക്കുന്നത്.
ഷഹബാസ് അമനാണ് നീലവെളിച്ചം സിനിമക്കായ് ഏകാന്തതയുടെ മഹാതീരം പാടിയിരിക്കുന്നത്. ഋഷികേശ് ഭാസ്കരനാണ് അഡീഷണൽ സ്ക്രീൻപ്ലേ. നീലവെളിച്ചത്തിലെ അനുരാഗ മധുചഷകം എന്ന ഗാനം അമ്പത് ലക്ഷത്തിലേറെ കാഴ്ചക്കാരെ സ്വന്തമാക്കിയിരുന്നു. വിക്രം എന്ന സിനിമക്ക് ശേഷം ഗിരീഷ് ഗംഗാധരൻ ഛായാഗ്രഹണം നിർവ്വഹിക്കുന്ന നീലവെളിച്ചത്തിന്റെ എഡിറ്റർ വി.സാജനാണ്.
പ്രൊഡക്ഷൻ കൺട്രോളർ -ബെന്നി കട്ടപ്പന,കല- ജ്യോതിഷ് ശങ്കർ,മേക്കപ്പ്-റോണക്സ് സേവ്യർ, വസ്ത്രാലങ്കാരം- സമീറ സനീഷ്. പി ആർ ഒ-എ എസ് ദിനേശ്.