അനൂപ് മേനോന്‍ രചനയും സംവിധാനവും നിര്‍വഹിച്ച കിംഗ് ഫിഷ് എന്ന സിനിമയിലെ ഗാനം പുറത്തിറക്കി മമ്മൂട്ടിയും മോഹന്‍ലാലും. എന്‍ രാമഴയില്‍ എന്ന് തുടങ്ങുന്ന ഗാനത്തിലൂടെ അനൂപ് മേനോന്‍-രതീഷ് വേഗ ടീം വീണ്ടും ഒരുമിച്ചിരിക്കുകയാണ്. വിജയ് യേശുദാസാണ് ആലാപനം.
കിംഗ് ഫിഷില്‍ ഭാസ്‌കര വര്‍മ്മ എന്ന കഥാപാത്രമായി അനൂപ് മേനോനും ദശരഥ വര്‍മ്മയായി സംവിധായകന്‍ രഞ്ജിത്തും അഭിനയിച്ചിരിക്കുന്നു. ദുര്‍ഗാ കൃഷ്ണ, നിരഞ്ജന അനൂപ്, ഇര്‍ഷാദ്, എന്‍ പി നിസ, ധനേഷ് ആനന്ദ് എന്നിവരാണ് മറ്റ് കഥാപാത്രങ്ങള്‍.
ആദ്യം വികെ പ്രകാശ് സംവിധായകനായി അനൗണ്‍സ് ചെയ്ത ചിത്രം പിന്നീട് അനൂപ് മേനോന്‍ തന്നെ ഏറ്റെടുക്കുകയായിരുന്നു. മഹാദേവന്‍ തമ്പിയാണ് ക്യാമറ.