സനല് കുമാര് ശശിധരന് സംവിധാനം ചെയ്ത ചോലയുടെ പ്രോമോ സോങ്ങ് പുറത്തിറങ്ങി. ബേസില് സിജെ വരികളെഴുതി സംഗീതം നിര്വഹിച്ച ഗാനം ആലപിച്ചിരിക്കുന്നത് ഹരീഷ് ശിവരാമകൃഷ്ണനും സിതാരയും ചേര്ന്നാണ്. വിന്റേജ് ലുക്കിലാണ് ഇരുവരും ഗാനത്തിലെത്തുന്നത്. നടന് ജോജു ജിഎന്പിസി ഗ്രൂപ്പിലൂടെയാണ് ഗാനം റിലീസ് ചെയ്തത്.
നിമിഷ സജയന്, ജോജു ജോര്ജ്, അഖില് വിശ്വനാഥ് എന്നിവര് പ്രധാനവേഷത്തിലെത്തുന്ന ത്രില്ലര് സ്വഭാവത്തിലുള്ള ചിത്രം ഡിസംബര് ആറിനാണ് റിലീസ് ചെയ്യുന്നത്. ഒരു പെണ്കുട്ടി ഒരു പുരുഷനൊപ്പം നഗരത്തിലേക്ക് യാത്ര തിരിക്കുന്നതും തുടര്ന്നുണ്ടാകുന്ന സംഭവങ്ങളുമാണ് ചോലയുടെ പ്രമേയം. ചിത്രത്തിലെ അഭിനയം കൂടി പരിഗണിച്ചായിരുന്നു നിമിഷാ സജയന് മികച്ച നടിക്കുള്ള സംസ്ഥാന പുരസ്കാരം ലഭിച്ചത്. ചോലയിലെയും ഒരു കുപ്രസിദ്ധ പയ്യനിലെയും പ്രകടനമാണ് പരിഗണിച്ചിരുന്നത്. നിമിഷയെയും ജോജുവിനെയും കൂടാതെ പ്രധാന കഥാപാത്രം അവതരിപ്പിക്കുന്ന അഖിലിനെ ഓഡിഷന് നടത്തി 700 ഓളം പേര്ക്കിടയില് നിന്നാണ് കണ്ടെത്തിയത്
ത്രില്ലര് സ്വഭാവമുള്ള ചിത്രം നിര്മിച്ചിരിക്കുന്നത് അപ്പു പാത്തു പപ്പു പ്രൊഡക്ഷന് ഹൗസിന്റെ ബാനറില് ജോജു ജോര്ജ്ജ് തന്നെയാണ്. നിര്മിച്ച ചോല, സിജോ വടക്കനും, നിവ് ആര്ട്ട് മൂവീസുമാണ് കോ പ്രൊഡ്യുസേഴ്സ്. ചിത്രം വെനീസ് ചലച്ചിത്ര മേളയില് മത്സരവിഭാഗത്തില് പ്രദര്ശിപ്പിച്ചിരുന്നു.
‘ദ ക്യു’ ഇപ്പോള് ടെലഗ്രാമിലും ലഭ്യമാണ്. കൂടുതല് വാര്ത്തകള്ക്കും അപ്ഡേറ്റുകള്ക്കുമായി ടെലഗ്രാം ചാനല് സബ്സ്ക്രൈബ് ചെയ്യാം