കേരളത്തിൽ ഉറപ്പായും തുടർ ഭരണമുണ്ടാകുമെന്ന് നടൻ സണ്ണി വെയിൻ. കൊവിഡ് കാലത്ത് കേരളത്തിലെ ജനങ്ങൾക്ക് ധൈര്യം പകർന്നൊരു സർക്കാരാണ് ഇടത് പക്ഷ സർക്കാർ. മുഖ്യമന്ത്രി പിണറായി വിജയന് 90 നും 100 മധ്യേ മാർക്ക് നൽകുമെന്നും സണ്ണി വെയിൻ 24 ന്യൂസിനോട് പറഞ്ഞു.

ഷൂട്ടിംഗ് ഷെഡ്യൂൾ നോക്കിയശേഷം വരും ദിവസങ്ങളിൽ തിരഞ്ഞെടുപ്പ് പ്രചരണത്തിന് രംഗത്തുണ്ടാകുമെന്ന് സണ്ണി വെയിൻ പറഞ്ഞു. മലയാളത്തിലെ ആദ്യ ടെക്‌നോ-ഹൊറര്‍ ചതുർമുഖത്തിൽ മഞ്ജു വാര്യർക്കൊപ്പം ശ്രദ്ധേയമായ കഥാപാത്രത്തെയാണ് സണ്ണി വെയ്ൻ അവതരിപ്പിക്കുന്നത് . സിനിമ ഏപ്രിൽ എട്ടിന് തീയറ്ററുകളിൽ റിലീസ് ചെയ്യും.