തമിഴ്‍നാട്ടിലെ ബിജെപി അംഗങ്ങൾ വധ ഭീഷണി മുഴക്കിയതായി നടൻ സിദ്ധാർഥ്‌ . ട്വിറ്ററിലൂടെയായാണ് താരം ഇക്കാര്യം അറിയിച്ചത്. തന്റെ ഫോണ്‍ നമ്പര്‍ തമിഴ്‌നാട് ബിജെപി അംഗങ്ങള്‍ ലീക്ക് ചെയ്‌തെന്നും തനിക്കും തന്റെ കുടുംബത്തിനെതിരെയും വധ ഭീഷണിയും തെറി വിളിയും നടത്തിക്കൊണ്ടുള്ള അഞ്ഞൂറിലധികം കോളുകളാണ് വന്നുക്കൊണ്ടിരിക്കുന്നതെന്നും താരം ട്വീറ്റ് ചെയ്തു.

എല്ലാ നമ്പറുകളും പൊലീസിന് കൈമാറിയിരിക്കുകയാണ്. തിനിക്കെതിരെ ഇത്തരം കാര്യങ്ങള്‍ ചെയ്തത് കൊണ്ട് മിണ്ടാതിരിക്കുമെന്ന് കരുതേണ്ട. ഇനിയും വിമര്‍ശനങ്ങള്‍ ഉണ്ടാകുമെന്ന് നരേന്ദ്ര മോദിയേയും അമിത് ഷായേയും ടാഗ് ചെയ്ത് സിദ്ധാര്‍ഥ് ട്വീറ്റ് ചെയ്തു. കൊവിഡ് വിഷയത്തിൽ കേന്ദ്ര സർക്കാരിനെതിരെ നിരവധി വിമർശനങ്ങൾ സിദ്ധാർഥ ട്വിറ്ററിലൂടെ ഉന്നയിച്ചിരുന്നു.