അന്വേഷണ ഉദ്യോഗസ്ഥനായ എ.സി.പി സത്യജിത്തിന്റെ റോളില് പൃഥ്വിരാജ് എത്തുന്ന ചിത്രമാണ് കോള്ഡ് കേസ്. ഛായാഗ്രാഹകനായ തനു ബാലക് ആണ് ചിത്രം സംവിധാനം ചെയ്യുന്നത്. ചിത്രത്തിന്റെ ലൊക്കേഷനില് നിന്ന് പൃഥ്വിരാജ് കഴിഞ്ഞ ദിവസം പങ്കുവെച്ച ചിത്രം വൈറലായിരുന്നു.
ജാവ ഫോര്ട്ടി ടു ബൈക്കില് ഇരിക്കുന്ന ചിത്രമായിരുന്നു നടന് ട്വിറ്ററില് പങ്കുവെച്ചത്. 'ഇതാണ് അടിസ്ഥാന ജ്യോതിശാസ്ത്രം, രണ്ട് താരങ്ങളുടെ കൂടിച്ചേരല്', ചിത്രത്തിന് താഴെ ആനന്ദ് മഹീന്ദ്രയുടെ കമന്റ് ഇങ്ങനെയായിരുന്നു. ഇതിന് മറുപടിയായി പൃഥ്വിരാജ് കുറിച്ചത് തന്റെ അച്ഛനും ജാവ ബൈക്കും തമ്മിലുള്ള ബന്ധത്തെ കുറിച്ചായിരുന്നു.
'താരങ്ങളെ കുറിച്ച് അറിയില്ല, പക്ഷെ കൂടിച്ചേരല് എന്നു പറയുന്നത് ഒരുപക്ഷെ ശരിയാണ്. അഭിനയത്തിലേക്കെത്തുന്നതിന് മുമ്പ് അച്ഛന് സ്കോട്ട് ക്രിസ്ത്യന് കോളേജില് അധ്യാപകനായിരുന്നു. ജാവ ബൈക്കോടിച്ചായിരുന്നു അദ്ദേഹം കോളേജിലേക്ക് പോയിരുന്നത്. എന്നാല് ജാവ ബൈക്കിനൊപ്പമുള്ള അദ്ദേഹത്തിന്റെ ചിത്രം തന്റെ കൈവശമില്ലെന്നും പൃഥ്വിരാജ് കുറിച്ചു.
ക്യു’ ഇപ്പോള് ടെലഗ്രാമിലും ലഭ്യമാണ്. കൂടുതല് വാര്ത്തകള്ക്കും അപ്ഡേറ്റുകള്ക്കുമായി ടെലഗ്രാം ചാനല് സബ്സ്ക്രൈബ് ചെയ്യാം
യഥാര്ത്ഥ സംഭവത്തില് നിന്നും പ്രചോദനം ഉള്ക്കൊണ്ട് നിര്മ്മിക്കുന്ന ചിത്രമാണ് കോള്ഡ് കേസ്. തിരുവനന്തപുരത്താണ് ചിത്രീകരണം നടക്കുന്നത്. 'അരുവി' ഫെയിം അദിതി ബാലനാണ് നായിക. ഗിരീഷ് ഗംഗാധരനും ജോമോന്.ടി. ജോണും ഛായാഗ്രഹണം നിര്വഹിക്കുന്നു. ആന്റോ ജോസഫും പ്ലാന് ജെ സ്റ്റുഡിയോയുടെ ബാനറില് ജോമോന്.ടി.ജോണ്, ഷമീര് മുഹമ്മദ് എന്നിവരും ചേര്ന്നാണ് നിര്മ്മാണം. കൊവിഡ് നിയന്ത്രണങ്ങളോടെ പൂര്ത്തിയാക്കിയ 'ഇരുള്' എന്ന ഫഹദ് ഫാസില് ചിത്രത്തിന് ശേഷം ആന്റോ ജോസഫ്, ജോമോന്.ടി.ജോണ്, ഷമീര് മുഹമ്മദ് എന്നിവര് നിര്മ്മാതാക്കളാകുന്ന ചിത്രവുമാണ് 'കോള്ഡ് കേസ്'. ശ്രീനാഥ് വി. നാഥ് ആണ് ആര്ട്ട് ഡയറക്ടര് .അജയന് ചാലിശ്ശേരി. ഷമീര് മുഹമ്മദാണ് എഡിറ്റിങ്.