ഇന്ന് രാവിലെ കിളിമാനൂരിന് അടുത്ത് വാഹനാപകടത്തില് മരണപ്പെട്ട വ്യക്തി താനല്ലെന്ന് സംവിധായകന് ജോസ് തോമസ്. ചലച്ചിത്ര പ്രവര്ത്തകനും മാധ്യമപ്രവര്ത്തകനുമായ മറ്റൊരു ജോസ് തോമസ് ആണ് മരിച്ചത്. എന്നാല് ഇത് കണ്ട പലരും താനാണ് മരിച്ചതെന്ന് കരുതി വിളിച്ചതോടെയാണ് ലൈവ് വീഡിയോ ചെയ്യുന്നതെന്ന് സംവിധായകന് പറഞ്ഞു.
ജോസ് തോമസ് എന്നൊരാള് അപകടത്തില് മരിച്ചതായി വാര്ത്തകളില് കണ്ടതോടെ എന്റെ സുഹൃത്തുക്കളും സഹപ്രവര്ത്തകരും സങ്കടത്തോടെ എന്നെയും വീട്ടുകാരെയും വിളിച്ചു. എന്റെ സഹോദരങ്ങള്പോലും ഞെട്ടിപ്പോയി. ഈ വാര്ത്ത അറിഞ്ഞിട്ടും ഭയപ്പെട്ട് വിളിക്കാതിരിക്കുന്ന ആളുകള്ക്കാണ് ഈ വിഡിയോ. ചലച്ചിത്ര പ്രവര്ത്തകനും ഏഷ്യാനെറ്റിലെ ഉദ്യോഗസ്ഥനുമായ ജോസ് തോമസാണ് മരിച്ചത്സംവിധായകന് ജോസ് തോമസ്
മരിച്ച ജോസ് തോമസിനെ തനിക്കറിയാമെന്നും അദ്ദേഹത്തിന്റെ ആത്മാവിന് നിത്യശാന്തി നേരുന്നുവെന്നും സംവിധായകന് പറഞ്ഞു. അപകടത്തില് മരണപ്പെട്ട ജോസ് തോമസ് അന്പതിലേറെ സിനിമകളില് അസോസിയേറ്റ് ഡയറക്ടര് ആയി പ്രവര്ത്തിച്ചിട്ടുണ്ട്. ഏഷ്യാനെറ്റ് ന്യൂസില് ദീര്ഘകാലം മാധ്യമ പ്രവര്ത്തകനായിരുന്നു.
‘ദ ക്യു’ ഇപ്പോള് ടെലഗ്രാമിലും ലഭ്യമാണ്. കൂടുതല് വാര്ത്തകള്ക്കും അപ്ഡേറ്റുകള്ക്കുമായി ടെലഗ്രാം ചാനല് സബ്സ്ക്രൈബ് ചെയ്യാം