മലയാളത്തിലെ എക്കാലത്തെയും മികച്ച സൈക്കോ ഹൊറർ ചിത്രമായ മണിച്ചിത്രത്താഴ് റീമേക് ചെയ്താൽ ഏത് റോൾ സ്വീകരിക്കുമെന്നതിന് മറുപടി നൽകി ഫഹദ് ഫാസിൽ. മണിച്ചിത്രത്താഴ് പോലെയൊരു സിനിമ നിർമ്മിക്കുവാനാണ് താത്പര്യമെന്നും അഭിനയിക്കുവാൻ സാധിക്കില്ലെന്നും ദി ക്വിന്റിന് നൽകിയ അഭിമുഖത്തിൽ ഫഹദ് ഫാസിൽ പറഞ്ഞു. ഫഹദ് ഫാസിൽ നായകനായി ദിലീഷ് പോത്തൻ സംവിധാനം ചെയ്ത ജോജിയെക്കുറിച്ചുള്ള വിശേഷങ്ങൾ പങ്കുവെയ്ക്കുന്നതിനിടെയാണ് മണിച്ചിത്രത്താഴിനെക്കുറിച്ചുള്ള ചോദ്യത്തിന് ഫഹദ് ഫാസിൽ മറുപടി നൽകിയത്.
ഫഹദ് ഫാസിൽ അഭിമുഖത്തിൽ പറഞ്ഞത്
മണിച്ചിത്രത്താഴ് പോലൊരു സിനിമ കാണുവാനും ആസ്വദിക്കാനുമാണ് താത്പര്യം. ഒരുപക്ഷെ മണിച്ചിത്രത്താഴ് റീമേക് ചെയ്താൽ അത് നിർമ്മിക്കുവാൻ എനിയ്ക്ക് താത്പര്യമുണ്ട്. എന്റേത് ഒരു ചെറിയ ലോകമാണ്. ഒരു വീടിനുള്ളിൽ ചിത്രീകരിക്കുന്ന സംഭവങ്ങൾ, അത്തരത്തിലുള്ള പ്ലോട്ടിലാണ് കൂടുതൽ താത്പര്യം.