സംവിധായകന്‍ സക്കറിയ തിരക്കഥയെഴുതുന്ന പുതിയ ചിത്രം ഒരുങ്ങുന്നു. മോമോ ഇന്‍ ദുബായ് എന്നാണ് ചിത്രത്തിന് പേരിട്ടിരിക്കുന്നത്. കുട്ടികള്‍ക്ക് വേണ്ടിയുള്ള ചിത്രമായിരിക്കുമെന്ന് സക്കറിയ ഫേസ്ബുക്ക് പോസ്റ്റില്‍ വ്യക്തമാക്കി.
നവാഗതനായ അമീന്‍ അസ്ലമാണ് സംവിധാനം. അനു സിത്താര, അനീഷ്.ജി.മേനോന്‍, അജു വര്‍ഗീസ്, ഹരീഷ് കണാരന്‍ എന്നിവരാണ് പ്രധാന വേഷങ്ങളിലെത്തുക. സക്കറിയ, പി.ബി.അനീഷ്, ഹാരിസ് നേശം എന്നിവരാണ് നിര്‍മ്മിക്കുന്നത്. ജിംഷി ഖാലിദാണ് ക്യാമറ.
വരികളൊരുക്കുന്നത് മുഹ്‌സിന്‍ പരാരിയാണ്. ജാസി ഗിഫ്റ്റും ഗഫൂര്‍.എം.ഖയൂമുമാണ് സംഗീതം.