വിജയ് നായകനായ പുതിയ ചിത്രത്തിന്റെ ഫസ്റ്റ് ലുക്ക് പുറത്തിറങ്ങി. 'വാരിസ്' എന്നാണ് ചിത്രത്തിന്റെ പേര്. THE BOSS RETURNS എന്ന ടാഗ് ലൈനാണ് പോസ്റ്ററില്‍ ഉള്ളത്. കോട്ടിട്ട് കലിപ്പ് ലുക്കില്‍ ഇരിക്കുന്ന വിജയ് ആണ് പോസ്റ്ററില്‍ ഉള്ളത്. താരത്തിന്റെ പിറന്നാളിനോട് അനുബന്ധിച്ചാണ് ഫസ്റ്റ് ലുക്ക് പുറത്തുവിട്ടിരിക്കുന്നത്.
വംശി പൈടിപ്പള്ളിയാണ് 'വാരിസി'ന്റെ സംവിധായകന്‍. വിജയിയുടെ 66ാമത്തെ ചിത്രമാണിത്. രശ്മിക മന്ദാനയാണ് നായിക. പ്രകാശ് രാജും ചിത്രത്തില്‍ പ്രധാന കഥാപാത്രമാകുന്നു. ശ്രീ വെങ്കിടേശ്വര ക്രിയേഷന്‍സിന്റെ ബാനറില്‍ ദില്‍ രാജുവാണ് ചിത്രം നിര്‍മിക്കുന്നത്.
പ്രഭു, ജയ സുധ, സംഗീത, സംയുക്ത ഷാം, ശരത് കുമാര്‍, ഖുശ്ബു, ശ്രീകാന്ത്, സംഗീത കൃഷ്, യോഗി ബാബു എന്നിവരും ചിത്രത്തിലെ കഥാപാത്രങ്ങളാണ്. എസ് തമനാണ് സംഗീത സംവിധാനം നിര്‍വഹിക്കുന്നത്.