നടന്‍ വിജയ് നായകനായ വാരിസിന്റെ ട്രെയ്‌ലര്‍ പുറത്തിറങ്ങി. ആക്ഷനും ഫാമലി ഡ്രാമയ്ക്കും ഒരുപോലെ പ്രാധാന്യം നല്‍കുന്നതായിരിക്കും ചിത്രമെന്നാണ് ട്രെയ്‌ലര്‍ സൂചിപ്പിക്കുന്നത്. വംശി പൈഡിപ്പള്ളിയാണ് വാരിസിന്റെ സംവിധായകന്‍.
ചിത്രത്തില്‍ വിജയ് രാജേന്ദ്രന്‍ എന്ന കഥാപാത്രത്തെയാണ് വിജയ് ചിത്രത്തില്‍ അവതരിപ്പിക്കുന്നത്. ശരത് കുമാര്‍ വിജയ് യുടെ അച്ഛന്റെ വേഷം അവതരിപ്പിക്കുന്നു. രശ്മിക മന്ദാനയാണ് നായിക. ശ്രീ വെങ്കടേശ്വര ക്രിയേഷന്‍സിന്റെ ബാനറില്‍ ദില്‍ രാജുവാണ് സിനിമ നിര്‍മ്മിക്കുന്നത്. പൊങ്കല്‍ റിലീസായി തമിഴിലും തെലുങ്കിലും ചിത്രം ജനുവരി 12ന് പ്രദര്‍ശനത്തിന് എത്തും.
എസ് ജെ സൂര്യയും ചിത്രത്തില്‍ പ്രധാന കഥാപാത്രമാണ്. വിജയ്യും എസ് ജെ സൂര്യയും ഒന്നിക്കുന്ന നാലാമത്തെ ചിത്രമാണ് വാരിസ്. പ്രകാശ് രാജ്, പ്രഭു, ജയസുധ, ഖുശ്ബു, ശ്രീകാന്ത്, ഷാം, സംഗീത കൃഷ്, സംയുക്ത, യോഗി ബാബു തുടങ്ങിയവരും ചിത്രത്തില്‍ പ്രധാന താരങ്ങളാണ്. കാര്‍ത്തിക് പളനി ഛായാഗ്രഹണവും പ്രവീണ്‍ കെ.എല്‍ എഡിറ്റിംഗും നിര്‍വഹിക്കുന്നു. തമനാണ് സംഗീത സംവിധാനം. പ്രചരണം: പി.ശിവപ്രസാദ്.