ഒമര് ലുലു സംവിധാനം ചെയ്യുന്ന പുതിയ ചിത്രമായ ധമാക്ക നവംബര് 28ന് റിലീസ് ചെയ്യും. ഹാപ്പി വെഡ്ഡിംഗ്, ചങ്ക്സ്, ഒരു അഡാര് ലൗ എന്നീ ചിത്രങ്ങള്ക്കുശേഷം ഒമര് ലുലു ഒരുക്കുന്ന കോമഡി എന്റര്ടെയ്നറില് അരുണാണ് നായകന്.
തൊണ്ണൂറുകളിലെ മലയാളിയുടെ പ്രിയ ജോഡിയായിരുന്ന മുകേഷും ഉര്വശിയും വീണ്ടും ഒന്നിക്കുന്നുവെന്നതും ചിത്രത്തിന്റെ പ്രത്യേകതയാണ്. ജീത്തു ജോസഫ് സംവിധാനം ചെയ്ത മമ്മി & മീ എന്ന ചിത്രത്തിലായിരുന്നു അവസാനമായി മുകേഷും ഉര്വശിയും ജോഡിയായി അഭിനയിച്ചത്. വര്ഷങ്ങള്ക്കിപ്പുറം ഒരു കോമഡി എന്റര്ടെയ്നറിലൂടെ ഇരുവരും വീണ്ടുമൊന്നിക്കുമ്പോള് ചിരിപടര്ത്താന് ചിത്രത്തിന് കഴിയുമെന്നാണ് പ്രേക്ഷക പ്രതീക്ഷ.
നിക്കി ഗല്റാണിയാണ് ചിത്രത്തിലെ നായിക. ധര്മജന് ബോള്ഗാട്ടി, ഹരീഷ് കണാരന്, ഫുക്രു തുടങ്ങിയവരാണ് ചിത്രത്തിലെ മറ്റ് പ്രധാന കഥാപാത്രങ്ങളെ അവതരിപ്പിക്കുന്നത്. ഗുഡ് ലൈന് പ്രൊഡക്ഷന്സ് അവതരിപ്പിക്കുന്ന ചിത്രം എം കെ നാസര് നിര്മിക്കുന്ന ചിത്രത്തിന് സംഗീതം ഒരുക്കുന്നത് ഗോപി സുന്ദറാണ്.