നടൻ ടോവിനോ തോമസിന് കോവിഡ് പോസിറ്റിവ്. സോഷ്യൽ മീഡിയയിലൂടെയാണ്‌ കോവിഡ് പോസിറ്റിവ് ആയ വിവരം താരം അറിയിച്ചത്. ഇപ്പോൾ ഐസൊലേഷനിൽ ആണെന്നും രോഗ ലക്ഷണങ്ങൾ ഒന്നുമില്ലെന്നും കുറച്ച് ദിവസങ്ങൾക്ക് ശേഷം തിരികെ എത്തുവാൻ സാധിക്കുമെന്നാണ് പ്രതീക്ഷയെന്നും താരം ഫേസ്ബുക്കിൽ കുറിച്ചു.

ആഷിഖ് അബു സംവിധാനം ചെയ്ത നാരദൻ ആയിരുന്നു ടോവിനോ ഒടുവിൽ ചിത്രീകരണം പൂർത്തിയാക്കിയ ചിത്രം. ടോവിനോ നായകനായ കള തീയറ്ററുകളിൽ മികച്ച പ്രതികരണം നേടിക്കൊണ്ട് പ്രദർശനം തുടരുകയാണ്. കളയുടെ ചിത്രീകരണത്തിനിടയിൽ പരിക്കേറ്റ് ടോവിനോ ആശുപത്രിയിൽ ആയത് വലിയ വാർത്ത ആയിരുന്നു