സ്പോര്ട്സ് ബയോപിക്കില്‍ തന്റേതായ കയ്യൊപ്പ് രേഖപ്പെടുത്തിയ നടനാണ് ഫറാൻ അക്തര്‍. ഭാഗ് മില്‍ഖ ഭാഗ് എന്ന സിനിമയില്‍ മിന്നുന്ന പ്രകടനമാണ് ഫറാൻ അക്തര്‍ അവതരിപ്പിച്ചത്. ഇപോഴിതാ ഫറാൻ അക്തര്‍ നായകനാകുന്ന മറ്റൊരു സ്പോര്ട്സ് സിനിമയായ തൂഫാന്റെ ടീസർ പുറത്തുവിട്ടിരിക്കുകയാണ്. ഫർഹാൻ അക്തർ സോഷ്യൽ മീഡിയയയിലൂടെ സിനിമയുടെ ടീസർ ഷെയർ ചെയ്തു.
ഞങ്ങളുടെ സ്നേഹത്തിന്റെ അധ്വാനത്തിന്റെയും ഭ്രാന്തിന്റെയും ബലമായി ഉണ്ടായ ഈ സിനിമയുടെ ചില ഭാഗങ്ങൾ നിങ്ങളുടെ മുന്നിൽ അവതരിപ്പിക്കുകയാണ്. ഇത് ഞങ്ങളുടെ സ്നേഹത്തിന്റെ അധ്വാനമാണ്.ഫർഹാൻ അക്തർ
തൂഫാനില്‍ ബോക്സിംഗ് താരമായിട്ടാണ് ഫറാൻ അക്തര്‍ അഭിനയിക്കുന്നത്. ബോക്സര്‍ ആകാനുള്ള ഫറാൻ അക്തറിന്റെ കഠിന പരിശ്രമങ്ങൾ ടീസറിൽ അവതരിപ്പിക്കുന്നുണ്ട് . ബോക്സിംഗ് റിംഗില്‍ വിസ്‍മയിപ്പിക്കുന്ന ഫറാൻ അക്തറിനെയും ടീസറിൽ കാണാം. ഫറാൻ അക്തറിന്റെ അഭിനയം തന്നെയായിരിക്കും ചിത്രത്തിന്റെ ആകര്‍ഷണം. ഭാഗ് മില്‍ഖ ഭാഗ് സംവിധാനം ചെയ്ത രാകേഷ് ഓംപ്രകാശ് മെഹ്‍റയാണ് ചിത്രം സംവിധാനം ചെയ്യുന്നത്. സിനിമ മെയ് 21 ആമസോൺ പ്രൈമിൽ റിലീസ് ചെയ്യും.