ജിയോ ബേബി സംവിധാനം ചെയ്ത ദ ഗ്രേറ്റ് ഇന്ത്യന് കിച്ചണിന്റെ തമിഴ് റീമേക്ക് ട്രെയ്ലര് പുറത്ത്. മലയാളത്തില് നിമിഷ സജയന് അവതരിപ്പിച്ച കഥാപാത്രമായി ചിത്രത്തില് ഐശ്വര്യ രാജേഷാണ് എത്തുന്നത്. ആര്.കണ്ണനാണ് തമിഴ് റീമേക്കിന്റെ സംവിധായകന്.
സുരാജ് വെഞ്ഞാറമൂടിന്റെ കഥാപാത്രത്തെ തമിഴില് രാഹുല് രവീന്ദ്രനാണ് അവതരിപ്പിച്ചിരിക്കുന്നത്. പി.ജി മുത്തയ്യയാണ് ഛായാഗ്രഹണം. കലാ സംവിധാനം രാജ്കുമാര്, തിരക്കഥ, സംഭാഷണം പട്ടുകോട്ടൈ പ്രഭാകര്. ജെറി സില്വസ്റ്റര് ആണ് സംഗീതം. ലിയോ ജോണ് പോള് എഡിറ്റിങ്.
2021ലാണ് ജിയോ ബേബിയുടെ ദ ഗ്രേറ്റ് ഇന്ത്യന് കിച്ചന് റിലീസ് ചെയ്യുന്നത്. മലയാളത്തില് ശക്തമായ സ്ത്രീപക്ഷ രാഷ്ട്രീയം പറഞ്ഞ സിനിമയായിരുന്നു ദ ഗ്രേറ്റ് ഇന്ത്യന് കിച്ചന്. ചിത്രം ഒടിടി പ്ലാറ്റ്ഫോമായ നീസ്ട്രീമിലാണ് ആദ്യം റിലീസ് ചെയ്തത്. തുടക്കത്തില് മുന്നിര ഒടിടി പ്ലാറ്റ്ഫോമുകള് ചിത്രം സ്വീകരിച്ചില്ല. പിന്നീട് സിനിമ ദേശീയ തലത്തില് ചര്ച്ചയായപ്പോഴാണ് ആമസോണ് പ്രൈമില് ദ ഗ്രേറ്റ് ഇന്ത്യന് കിച്ചന് സ്ട്രീമം ചെയ്തത്. ഡിജോ അഗസ്റ്റിന്, ജോമോന് ജേക്കബ്, വിഷ്ണു രാജന്, സജിന് എസ് രാജ് എന്നിവരാണ് ചിത്രം നിര്മ്മിച്ചത്.