പിറന്നാള്‍ ദിനത്തില്‍ ജയ് ഭീം എന്ന പുതിയ സിനിമയുടെ ഫസ്റ്റ് ലുക്ക് പുറത്തുവിട്ട് സൂര്യ. ടി.എസ് ജ്ഞാനവേല്‍ സംവിധാനം ചെയ്യുന്ന സിനിമയില്‍ അഭിഭാഷകന്റെ റോളിലാണ് സൂര്യ. ജയ് ഭീം വാഴ്ത്തുക്കള്‍ എന്ന വരികള്‍ക്കൊപ്പമാണ് സംവിധായകന്‍ പാ രഞ്ജിത്ത് ജയ് ഭീം ഫസ്റ്റ് ലുക്ക് പങ്കുവച്ചത്. ദളിത് മുന്നേറ്റം പ്രമേയമായ ചിത്രമെന്നാണ് സൂചന.

ആദിവാസി സമൂഹത്തിന്റെ അവകാശത്തിനായി പോരാടുന്ന നായകനെയാണ് സൂര്യ അവതരിപ്പിക്കുന്നത്. സൂര്യ 39 എന്ന പേരില്‍ ഇതിനോടകം ചിത്രീകരണം പുരോഗമിക്കുന്ന സിനിമയാണ് ജയ് ഭീം.

അംബേദ്കറൈറ്റ് പ്രസ്ഥാനങ്ങളുടെ മുദ്രാവാക്യമായ ജയ് ഭീം എന്ന പേരില്‍ എത്തുന്ന സിനിമയെ വരവേല്‍ക്കുന്ന രീതിയില്‍ ട്വീറ്റുകളും ഹാഷ് ടാഗുകളും ഇതിനോടകം എത്തുന്നുണ്ട്. മാധ്യമപ്രവര്‍ത്തകനും ചലച്ചിത്രകാരനുമായ ജ്ഞാനവേല്‍ തന്നെയാണ് തിരക്കഥ. രജിഷ വിജയനും പ്രകാശ് രാജെയും മണികണ്ഠനും ലിജോമോളുമാണ് മറ്റ് കഥാപാത്രങ്ങൾ.സൂര്യയുടെ ബാനറായ ടുഡി എന്റര്‍ടെയിന്‍മെന്റാണ് നിര്‍മ്മാണം.