അമൽ നീരദ് സംവിധാനം ചെയ്ത മോഹൻലാൽ ചിത്രം സാ​ഗർ ഏലിയാസ് ജാക്കി മലയാളക്കരയിൽ വലിയ അലയൊലികൾ സൃഷ്ടിച്ച സിനിമയാണ്. ഇരുപതാം നൂറ്റാണ്ടിന്റെ രണ്ടാം ഭാ​ഗമാണ് എന്ന ടാ​ഗ് ലൈനിൽ വലിയ ഹൈപ്പ് കിട്ടിയ സിനിമ കൂടിയായിരുന്നു അത്. ബി​ഗ് ബിക്ക് ശേഷം അമൽ നീരദ് സംവിധാനം ചെയ്യുന്ന സിനിമ എന്നതും ചിത്രത്തിന്റെ മൂല്യം ഇരട്ടിയാക്കി. ആ സിനിമയിലൂടെ ചലച്ചിത്ര രം​ഗത്തേക്ക് കാലെടുത്ത് വച്ച നടനാണ് സുധി കോപ്പ. തന്റെ അഭിനയ ജീവിതത്തിൽ ഒരിക്കലും മാറ്റിനിർത്താൻ സാധിക്കാത്ത, തന്റെ ആദ്യ സിനിമയെക്കുറിച്ച് ക്യു സ്റ്റുഡിയോയോട് പറയുകയാണ് സുധി കോപ്പ.

സുധി കോപ്പയുടെ വാക്കുകൾ

സാ​ഗർ ഏലിയാസ് ജാക്കിയിലെ ആ ചെറിയ റോളിലൂടെയാണ് തുടക്കം. സത്യത്തിൽ ആ കഥാപാത്രത്തിന് പേരുണ്ടായിരുന്നില്ല. പക്ഷെ, ഞാൻ തന്നെ പല പേരുകൾ ഇട്ട് അടുത്ത സിനിമയിൽ ചാൻസ് ചോദിച്ചിട്ടുണ്ട്. ബി​ഗ് ബിയ്ക്ക് ശേഷം അമൽ നീരദ് സംവിധാനം ചെയ്യുന്ന സിനിമ, ഇരുപതാം നൂറ്റാണ്ടിന്റെ രണ്ടാം ഭാ​ഗം തുടങ്ങി ആ സിനിമയ്ക്ക് ഹൈപ്പ് ഒരുപാടായിരുന്നു. അതിൽ ഓഡീഷന് പോയിട്ടാണ് ചാൻസ് കിട്ടിയത്. പക്ഷെ, അക്കൂട്ടത്തിൽ എനിക്കാണ് ഒരു സിം​ഗിൾ ക്ലോസ് വച്ച് ഫ്രെയിം കിട്ടിയത്. അങ്ങനെ എല്ലാം കൊണ്ടും ആ സിനിമ വലിയൊരു ഓർമ്മയാണ്.

2009ലാണ് സാ​ഗർ ഏലിയാസ് ജാക്കി റീലോഡഡ് എന്ന സിനിമ റിലീസാകുന്നത്. എസ്.എൻ. സ്വാമിയായിരുന്നു ചിത്രത്തിന്റെ തിരക്കഥ. ​ഗോപി സുന്ദറാണ് ചിത്രത്തിലെ ​ഗാനങ്ങൾക്ക് സം​ഗീതം നൽകിയത്. ആറ് കോടി ബജറ്റിൽ പുറത്തിറങ്ങിയ സിനിമ 27 കോടിയോളം കളക്ഷൻ നേടിയിരുന്നു.