'അയ്യപ്പനും കോശിയും' തെലുങ്ക് റീമേക്കിൽ കിച്ച സുദീപ് കോശിയായി എത്തിയേക്കുമെന്ന് റിപ്പോർട്ടുകൾ. ഇതുമായി ബന്ധപ്പെട്ട ഔദ്യോഗിക സ്ഥിരീകരണം ഉടൻ ഉണ്ടാകും. പവന് കല്യാണാണ് അയ്യപ്പന് നായരായി എത്തുന്നത്. കണ്ണമ്മയുടെ റോളില് സായ് പല്ലവിയാകുമെന്നും റിപ്പോർട്ടുകൾ വന്നിരുന്നു. സിതാര എന്റര്ടെയിന്മെന്റ്സിന്റെ ബാനറില് സൂര്യദേവര നാഗ വംശി നിര്മ്മിക്കുന്ന ചിത്രം സംവിധാനം ചെയ്യുന്നത് സാഗര് കെ ചന്ദ്രയാണ്.
ചിത്രത്തിലെ മറ്റ് കഥാപാത്രങ്ങള് ആരൊക്കെയാകും എന്ന കാര്യത്തില് സ്ഥിരീകരണമുണ്ടായിട്ടില്ല. മലയാളത്തില് പൃഥ്വിരാജ് അവതരിപ്പിച്ച കോശി കുര്യനെ റാണ ദഗ്ഗുബട്ടി അവതരിപ്പിക്കുമെന്ന് നേരത്തെ റിപ്പോര്ട്ടുകളുണ്ടായിരുന്നു. ഈ റോളിലേക്ക് യുവതാരം നിതിന് എത്തുമെന്നുമായിരുന്നു ഏറ്റവും ഒടുവിലായി പുറത്ത് വന്ന മാധ്യമവാര്ത്തകള് സൂചിപ്പിച്ചത്.
മലയാളത്തില് നിന്ന് നിരവധി മാറ്റങ്ങള് തെലുങ്ക് പതിപ്പിലുണ്ടാകും. 2021 ജനുവരിയോടെ ചിത്രീകരണം ആരംഭിക്കുമെന്നും റിപ്പോര്ട്ടുണ്ട്.