എം.ടി വാസുദേവന് നായരുടെ തിരക്കഥയില് പ്രിയദര്ശന് സംവിധാനം ചെയ്യുന്ന ഓളവും തീരവും എന്ന ചിത്രത്തിന്റെ ലൊക്കേഷന് ചിത്രവുമായി ഛായാഗ്രാഹകന് സന്തോഷ് ശിവന്. ചിത്രത്തിലെ കേന്ദ്ര കഥാപാത്രമായ മോഹന്ലാലിനൊപ്പം ഇരിക്കുന്ന ചിത്രമാണ് സന്തോഷ് ശിവന് പങ്കുവെച്ചിരിക്കുന്നത്. ചിത്രത്തില് ബാപ്പൂട്ടി എന്ന കഥാപാത്രത്തെയാണ് മോഹന്ലാല് അവതരിപ്പിക്കുന്നത്.
എം.ടി വാസുദേവന് നായരുടെ തിരക്കഥയില് പി.എന് മേനോന് സംവിധാനം ചെയ്ത ഓളവും തീരത്തിന്റെ പുനരാവിഷ്കാരമാണിത്. മലയാളത്തിലെ ആദ്യ റിയലിസ്റ്റിക് അവതരണ സ്വഭാവമുള്ള ചിത്രമെന്ന ഖ്യാതി നേടിയ ചിത്രം കൂടിയാണ് ഓളവും തീരവും.
എം.ടിയുടെ തിരക്കഥകളെ ആധാരമാക്കിയുള്ള നെറ്റ്ഫ്ളിക്സ് ആന്തോളജിയിലാണ് പ്രിയദര്ശന്റെ സംവിധാനത്തില് ഓളവും തീരവും ഒരുങ്ങുന്നത്. മധു അവതരിപ്പിച്ച ബാപ്പുട്ടി എന്ന കഥാപാത്രമായി മോഹന്ലാല് എത്തുന്നു. 52 വര്ഷത്തിന് ശേഷം പുതിയ ശൈലിയില് ഓളവും തീരവും പുനര്ജനിക്കുമ്പോള് ഛായാഗ്രാഹകനായി സന്തോഷ് ശിവനും ആര്ട്ട് ഡയറക്ടറായി സാബു സിറിലും എത്തുന്നു.
ചിത്രത്തില് മോഹന്ലാലിന്റെ നായികയാവുന്നത് ദുര്ഗ കൃഷ്ണയാണ്. ഉഷാ നന്ദിനി അവതരിപ്പിച്ച നബീസ എന്ന കഥാപാത്രമായാണ് ദുര്ഗ എത്തുന്നത്. ജോസ് പ്രകാശ് അവതരിപ്പിച്ച കുഞ്ഞാലി എന്ന വില്ലനാകുന്നത് ഹരീഷ് പേരടിയാണ്. മാമുക്കോയയും ചിത്രത്തില് പ്രധാന റോളിലുണ്ട്. തൊടുപുഴയിലാണ് പ്രധാന ലൊക്കേഷന്.