മോഹന്ലാല് ആദ്യമായി സംവിധാനം ചെയ്യുന്ന ചിത്രമാണ് ബറോസ്. നിലവില് ചിത്രത്തിന്റെ ഷൂട്ടിങ്ങ് പുരോഗമിക്കുകയാണ്. സന്തോഷ് ശിവനാണ് ചിത്രത്തിന്റെ ഛായാഗ്രഹണം നിര്വ്വഹിക്കുന്നത്. സിനിമയുടെ ചിത്രീകരണത്തെ കുറിച്ചും മോഹന്ലാല് എന്ന സംവിധായകനെ കുറിച്ചും സന്തോഷ് ശിവന് ട്വിറ്ററില് അഭിപ്രായം പങ്കുവെച്ചു. താന് പ്രവര്ത്തിച്ച മികച്ച സംവിധായകരില് ഒരാളെന്നാണ് സന്തോഷ് ശിവന് ട്വീറ്റ് ചെയ്തത്.
'മോഹന്ലാല് സംവിധാനം ചെയ്യുന്ന ബറോസ് ചിത്രീകരണം നടന്നുകൊണ്ടിരിക്കുന്നു. വളരെ മികച്ചൊരു അനുഭവമാണിത്. ഞാന് പ്രവര്ത്തിച്ച മികച്ച സംവിധായകരില് ഒരാളാണ് മോഹന്ലാലെന്ന് നിശംസം പറയാം.'- സന്തോഷ് ശിവന്റെ ട്വീറ്റ്
മോഹന്ലാലിന്റെ സംവിധാന അരങ്ങേറ്റ ചിത്രം എന്ന നിലയില് പ്രഖ്യാപന സമയംമുതലേ വാര്ത്താപ്രാധാന്യം നേടിയ ചിത്രമാണ് ബറോസ്. 2019 ഏപ്രിലില് പ്രഖ്യാപിക്കപ്പെട്ട ചിത്രത്തിന്റെ ഒഫിഷ്യല് ലോഞ്ച് ഈ വര്ഷം മാര്ച്ച് 24നായിരുന്നു. കേരളത്തിലും ഗോവയിലുമായി പല ദിവസങ്ങളില് ചിത്രീകരണം നടത്തിയിരുന്നെങ്കിലും ഷൂട്ട് ചെയ്തത് മുഴുവന് ഉപേക്ഷിക്കേണ്ടിവന്നുവെന്ന് ദി ക്യു അഭിമുഖത്തില് മോഹന്ലാല് പറഞ്ഞിരുന്നു.
ഇന്ത്യയിലെ ആദ്യ 3ഡി ചിത്രമായ 'മൈ ഡിയര് കുട്ടിച്ചാത്തന്' സംവിധാനം ചെയ്ത ജിജോയുടെ കഥയെ ആസ്പദമാക്കിയാണ് മോഹന്ലാല് സിനിമ സംവിധാനം ചെയ്യുന്നത്. ചിത്രത്തിലെ ടൈറ്റില് കഥാപാത്രമായ ബറോസിനെ അവതരിപ്പിക്കുന്നതും മോഹന്ലാല് തന്നെയാണ്.