ദുൽഖർ സൽമാനെ നായകനാക്കി റോഷൻ ആൻഡ്രൂസ് സംവിധാനം ചെയ്യുന്ന പുതിയ ചിത്രത്തിൽ ബോളിവുഡ് താരവും മോഡലുമായ ഡയാന പെന്റി നായികയാകുന്നു. ചിത്രത്തിന്റെ പൂജയും സ്വിച്ച് ഓൺ കർമ്മവും നടന്നു. ബോബി സഞ്ജയ് ആണ് തിരക്കഥയൊരുക്കുന്നത്. വേഫറെർ ഫിലിമ്സിന്റെ ബാനറിൽ നിർമ്മിക്കുന്ന അഞ്ചാമത്തെ ചിത്രം കൂടിയാണിത്. മനോജ് കെ ജയൻ,അലൻസിയർ,ബിനു പപ്പു ,വിജയകുമാർ ,ലക്ഷ്മി ഗോപാല സ്വാമി തുടങ്ങിയവർ മറ്റു പ്രധാന വേഷങ്ങളിൽ എത്തുന്നു.
തെന്നിന്ത്യയിലെ പ്രശസ്ത സംഗീതജ്ഞൻ സന്തോഷ് നാരായണനാണ് ചിത്രത്തിന് വേണ്ടി സംഗീതമൊരുക്കുന്നത്. പിസ, സൂദു കാവും, കുക്കൂ, ജിഗർതണ്ട, മദ്രാസ്, കബാലി,കാല, പറയേറും പെരുമാൾ, വട ചെന്നൈ തുടങ്ങിയ ഹിറ്റ് ചിത്രങ്ങളിലൂടെ ശ്രദ്ധേയനായ സംഗീത സംവിധായകനാണ് സന്തോഷ് നാരായണൻ. ഛായാഗ്രഹണം അസ്ലം പുരയിൽ,മേക്കപ്പ് സജി കൊരട്ടി, വസ്ത്രാലങ്കാരം സുജിത് സുധാകരൻ, ആർട്ട് , സിറിൽ കുരുവിള,സ്റ്റിൽസ് രോഹിത് ,പ്രൊഡക്ഷൻ കൺട്രോളർ സിദ്ധു പനയ്ക്കൽ.
അതെ സമയം ദുല്ഖര് സല്മാന് നിര്മ്മിച്ച് പ്രശോഭ് വിജയന് സംവിധാനം ചെയ്ത 'അടി' സിനിമയുടെ ചിത്രീകരണം പൂര്ത്തിയായി. ഷൈൻ ടോം ചാക്കോ, അഹാനാ കൃഷ്ണ, ധ്രുവന്, എന്നിവരാണ് കേന്ദ്ര കഥാപാത്രങ്ങള്. ബ്രിറ്റോ ഡേവിസ്, ശ്രീകാന്ത് ദാസന് എന്നിവരാണ് മറ്റ് കഥാപാത്രങ്ങള്. ചിത്രീകരണം പൂര്ത്തിയായ വിവരം ദുല്ഖര് സല്മാന് തന്റെ ഫേസ്ബുക്ക് പേജിലൂടെയായിരുന്നു അറിയിച്ചത്. വേഫെര് ഫിലിംസിന്റെ ബാനറില് ദുല്ഖര് നിര്മ്മിക്കുന്ന നാലാമത്തെ ചിത്രമാണിത്. ‘വരനെ ആവശ്യമുണ്ട്’, ‘മണിയറയിലെ അശോകന്’, ‘കുറുപ്പ്’ തുടങ്ങിയ ചിത്രങ്ങളും ദുൽഖർ സൽമാൻ ആണ് നിർമ്മിച്ചത്.