Film News

‘ജന ഗണ മന’ വീണ്ടും സെറ്റിലേയ്ക്ക്, ലൊക്കേഷൻ ചിത്രവുമായി പൃഥ്വിരാജ്

'ഡ്രൈവിംഗ് ലൈസൻസി'നു ശേഷം പൃഥ്വിരാജും സുരാജ് വെഞ്ഞാറമൂടും വീണ്ടും ഒന്നിക്കുന്ന ‘ജന ഗണ മന’ കൊവിഡ് പ്രതിസന്ധികൾക്കൊടുവിൽ ചിത്രീകരണത്തിലേയ്ക്ക്. ഷൂട്ടിങ് പുനരാരംഭിച്ചതായി പൃഥ്വിരാജ് സോഷ്യൽ മീഡിയയിലൂടെ അറിയിച്ചു. 'ക്വീൻ' സിനിമയുടെ സംവിധായകൻ ഡിജോ ജോസ് ആന്റണിയാണ് ചിത്രം സംവിധാനം ചെയ്യുന്നത്.

കഴിഞ്ഞ ഒക്ടോബറിൽ 'ജന ​ഗണ മന'യുടെ കൊച്ചിയിലെ സെറ്റിൽ വെച്ച് നടത്തിയ പരിശോധനയിലായിരുന്നു പൃഥ്വിരാജിന് കൊവിഡ് സ്ഥിരീകരിച്ചത്. തുടർന്ന് നടൻ ഐസൊലേഷനിൽ പ്രവേശിക്കുകയായിരുന്നു. അടുത്ത് ഇടപഴകിയവരോട് ക്വാറന്റൈനിൽ പോകാൻ ആവശ്യപ്പെട്ടതിനെ തുടർന്ന് ഷൂട്ടിങ് മാറ്റിവക്കുകയായിരുന്നു. സംവിധായകൻ ഡിജോ ജോസ് ആന്റണിക്കും കൊവിഡ് സ്ഥിരീകരിച്ചിരുന്നു.

‘ജന ഗണ മന’യിലൂടെ പൃഥ്വിരാജും സുരാജും വീണ്ടും ഒന്നിക്കുന്നതിന്റെ ആകാംക്ഷയിലാണ് ആരാധകർ. ‘റോയ്',‘ഉദയ’, ‘ഹിഗ്വിറ്റ’,'കാണെക്കാണെ','ഗർർർ', 'ദ ഗ്രേറ്റ് ഇന്ത്യന്‍ കിച്ചന്‍' തുടങ്ങി നിരവധി ചിത്രങ്ങളുടെ ഭാഗമാണ് സുരാജ്. 'കടുവ', 'ആടുജീവിതം' എന്നിവയാണ് പൃഥ്വിരാജിന്റേതായി പ്രേക്ഷകർ കാത്തിരിക്കുന്ന ചിത്രങ്ങൾ.

തലമുറകളുടെ രുചിക്കൂട്ട്; ഷാർജ പുസ്തകോത്സവത്തിൽ ഒമാനി ഹൽവയുടെ മധുരം

ഷാർജ പുസ്തകോത്സവത്തിന് നാളെ സമാപനം

കളങ്കാവലിലെ സ്റ്റീഫനിൽ നിന്ന് ബാഹുബലി നിർമ്മാതാക്കളുടെ 'ജോൺ ഡോ'യിലേക്ക്: സുശീൽ സുരേന്ദ്രൻ അഭിമുഖം

'മെറിബോയ്സ്' റിലീസ് ഡിസംബറിൽ; ചിത്രത്തിലെ ആദ്യ ക്യാമ്പസ് ഗാനം പുറത്തിറങ്ങി

ഭാവനയിലൂടെ യാഥാർഥ്യത്തെ മാറ്റാം; കഥകളുടെ ലോകം ചർച്ച ചെയ്ത് പുസ്കകമേള

SCROLL FOR NEXT