പവന്‍ കുമാര്‍ സംവിധാനം ചെയ്യുന്ന ഫഹദ് ഫാസില്‍-അപര്‍ണ ബാലമുരളി ചിത്രം ധൂമം തുടങ്ങി. മലയാളം ഉള്‍പ്പെടെ 4 ഭാഷകളിലാണ് സിനിമ. . ലൂസിയ, യുടേണ്‍ തുടങ്ങിയ ചിത്രങ്ങളുടെ സംവിധായകന്‍ പവന്‍കുമാര്‍ ആദ്യമായി മലയാളത്തിലൊരുക്കുന്ന ചിത്രമാണിത് . സെപ്റ്റംബര്‍ 30 നാണ് ധൂമത്തിന്റെ അനൗണ്‍സ്‌മെന്റ് വന്നത്.കെ.ജി.എഫ് നിര്‍മാതാക്കളായ ഹോംബാലെ ഫിലിംസാണ് ചിത്രത്തിന്റെ നിര്‍മ്മാണം. 2023 ലായിരിക്കും ചിത്രം തിയ്യേറ്ററുകളിലെത്തുന്നത്.
2020ല്‍ ദ ക്യുവിന് നല്‍കിയ അഭിമുഖത്തില്‍ പവനുമായി ചിത്രത്തിന്റെ ചര്‍ച്ചകള്‍ നടക്കുന്നതിനെ സംബന്ധിച്ച് ഫഹദ് സംസാരിച്ചിരുന്നു. സിനിമാ ചര്‍ച്ചകളില്‍ എല്ലാവരോടും ആദ്യം ചോദിക്കുക മലയാളത്തില്‍ ചെയ്യാന്‍ പറ്റുമോ എന്നാണ്, പവന്‍ ഒന്ന് ആടി നില്‍ക്കുകയാണ്, ചിലപ്പോള്‍ വന്നേക്കുമെന്നായിരുന്നു ഫഹദ് അന്ന് പറഞ്ഞത്.