സദസിനു നേരെ മൈക്ക് വലിച്ചെറിഞ്ഞ് തമിഴ് നടനും സംവിധായകനുമായ പാർഥിപന്. തന്റെ പുറത്തു വരാൻ ഒരുങ്ങുന്ന ചിത്രമായ 'ഇരുവിൻ നിഴലിന്റെ' ഓഡിയോ ലോഞ്ച് പരിപാടിക്കിടെയാണ് പാർഥിപന് നിയന്ത്രണം വിട്ടു പെരുമാറിയത്. സംഗീത സംവിധായകന് എ.ആര് റഹ്മാനും വേദിയിലുണ്ടായിരുന്നു. പിന്നീട് തെറ്റ് മനസിലാക്കിയ അദ്ദേഹം സദസ്സില്വച്ചുതന്നെ ക്ഷമാപണവും നടത്തി.
നടനും സ്റ്റാൻഡ് അപ്പ് കൊമേഡിയനുമായ റോബോ ശങ്കറിന് നേരെയാണ് പാർഥിപൻ മൈക്ക് എറിഞ്ഞത്. മൈക്ക് നൽകാമോ എന്ന് ചോദിച്ചപ്പോൾ നേരത്തെ ചോദിക്കണമെന്ന് പറഞ്ഞായിരുന്നു എറിഞ്ഞത്. എന്നാൽ താൻ കടുത്ത സമ്മർദ്ദത്തിലാണെന്ന് തുറന്നുപറഞ്ഞ പാർഥിപൻ പിന്നീട് ക്ഷമാപണവും നടത്തി.
20 വര്ഷങ്ങള്ക്ക് ശേഷമാണ് സംഗീത സംവിധായകന് എ.ആർ റഹ്മാനും പാർഥിപനും ഒന്നിക്കുന്നത്. ഇതിന് മുമ്പ് 2001ല് പാര്ഥിപന് സംവിധാനം ചെയ്ത യേലേലോ എന്ന ചിത്രത്തിനും എ.ആര് റഹ്മാന് സംഗീതം നല്കിയിരുന്നു. പക്ഷെ, ആ ചിത്രം റിലീസ് ആയില്ല. ശേഷം ഇരുവരും 'ഇരുവിന് നിഴലിലൂടെയാണ് ഒന്നിക്കുന്നത്.
പാർഥിപന് രചനയും, സംവിധാനവും നടത്തി പുറത്തു ഇറങ്ങാൻ പോകുന്ന ചിത്രമാണ് 'ഇരുവിന് നിഴൽ'. ഇത് ഒരു പരീക്ഷണ ചിത്രം ആയിരിക്കും എന്നാണ് റിപ്പോർട്ട്. ഏഷ്യാലെ ആദ്യത്തെ സിംഗിൾ ഷോട്ട് ഫീച്ചർ ഫിലിമാണ് ഇരുവിന് നിഴല് എന്നാണ് പുറത്തുവരുന്ന വാര്ത്തകള്.