ഇന്ത്യയുടെ ലോകകപ്പ് വിജയത്തെ ആസ്പദമാക്കി കബീര്‍ സിങ് സംവിധാനം ചെയ്യുന്ന 83 റിലീസിനൊരുങ്ങുകയാണ്. മികച്ച പ്രതികരണങ്ങളാണ് ചിത്രത്തിന്റെ ട്രെയിലറിന് ലഭിച്ചത്. ഇപ്പോള്‍ സിനിമയിലെ പുതിയ ഗാനം പുറത്തുവിട്ടിരിക്കുകയാണ് അണിയറ പ്രവര്‍ത്തകര്‍.
ചിത്രത്തിലെ പ്രധാന രംഗങ്ങളെ കോര്‍ത്തിണക്കി 'ബിഗഡ്നെ ദേ' എന്ന ഗാനമാണ് പുറത്തുവന്നിരിക്കുന്നത്. പ്രിതം സംഗീതം നൽകിയിരിക്കുന്ന ഗാനം ആലപിച്ചിരിക്കുന്നത് ബെന്നി ദയാലാണ്. ആശിഷ് പണ്ഡിറ്റാണ് വരികൾ എഴുതിയിരിക്കുന്നത്.
അസീം മിശ്രയാണ് ചിത്രത്തിന്റെ ഛായാഗ്രാഹണം നിര്‍വഹിക്കുന്നത്. രണ്‍വീര്‍ സിംഗ് ചിത്രത്തില്‍ കപില്‍ ദേവായി അഭിനയിക്കുമ്പോള്‍ ഭാര്യയുടെ കഥാപാത്രമായി ദീപികാ പദുക്കോണാണ് എത്തുന്നത്.
കബിര്‍ ഖാൻ, വിഷ്‍ണുവര്‍ദ്ധൻ ഇന്ദുരി, ദീപിക പദുക്കോണ്‍, സാജിഗദ് നദിയാദ്‍വാല എന്നിവരാണ് '83' നിര്‍മിക്കുന്നത്. റിലയൻസ് എന്റര്‍ടെയ്‍ൻമെന്റ്, ഫാന്റം ഫിലിംസ്, വിബ്രി മീഡിയ, കെഎ പ്രൊഡക്ഷൻസ്, നദിയാദ്‍വാല ഗ്രാൻഡ്‍സണ്‍ എന്റര്‍ടെയ്‍ൻമെന്റ്, കബിര്‍ ഖാൻ ഫിലിംസ് എന്നിവയുടെ ബാനറിലാണ് ചിത്രത്തിന്റെ നിര്‍മാണം. ചിത്രം ഡിസംബര്‍ 24ന് തിയേറ്ററില്‍ റിലീസ് ചെയ്യും.