മാസ് ആക്ഷന്‍ ചിത്രം, ബിഗ് ബ്രദര്‍ നാളെ മുതല്‍ തിയേറ്ററില്‍
മോഹന്‍ലാല്‍- സിദ്ദിഖ് കൂട്ടുകെട്ടിലെത്തുന്ന ആക്ഷന്‍ സസ്‌പെന്‍സ് ത്രില്ലര്‍ 'ബിഗ് ബ്രദര്‍' നാളെ മുതല്‍ തിയേറ്ററില്‍. ചിത്രത്തില്‍ മോഹന്‍ലാലിന്റെ നായികയായെത്തുന്നത് പുതുമുഖ നടി മിര്‍ന മേനോനാണ്. ബോളിവുഡ് താരം അര്‍ബാസ് ഖാനും ചിത്രത്തില്‍ ഒരു പ്രധാന കഥാപാത്രത്തെ അവതരിപ്പിക്കുന്നുണ്ട്. സിദ്ദിഖ്, വിഷ്ണു ഉണ്ണികൃഷ്ണന്‍, അനൂപ് മേനോന്‍, ഹണി റോസ്, ടിനി ടോം തുടങ്ങിയവരാണ് ചിത്രത്തില്‍ മറ്റ് പ്രധാന കഥാപാക്രങ്ങളെ അവതരിപ്പിക്കുന്നത്.
ദ ക്യു’ ഇപ്പോള്‍ ടെലഗ്രാമിലും ലഭ്യമാണ്. കൂടുതല്‍ വാര്‍ത്തകള്‍ക്കും അപ്‌ഡേറ്റുകള്‍ക്കുമായി ടെലഗ്രാം ചാനല്‍ സബ്‌സ്‌ക്രൈബ് ചെയ്യാം
2013ല്‍ പുറത്തുവന്ന ലേഡീസ് ആന്റ് ജെന്റില്‍മാന് ശേഷം സിദ്ദിഖും മോഹന്‍ലാലും ഒന്നിക്കുന്ന ചിത്രം കൂടിയാണ് ബിഗ് ബ്രദര്‍. വിയറ്റ്‌നാം കോളനിയാണ് സിദ്ദിഖിന്റെ സംവിധാനത്തില്‍ മോഹന്‍ലാല്‍ അഭിനയിച്ച ആദ്യ ചിത്രം. ആക്ഷന്‍ സസ്‌പെന്‍സ് ത്രില്ലറായിരിക്കും 'ബിഗ്ബ്രദറെ'ന്ന് നേരത്തെ പുറത്തിറങ്ങിയ ട്രെയിലറുകള്‍ സൂചിപ്പിച്ചിരുന്നു.
സിദ്ദിഖ്, വൈശാഖ് രാജന്‍, ജെന്‍സോ ജോസ്, മനു മാളിയേക്കല്‍, ഫിലിപ്പോസ് കെ ജോസഫ് എന്നിവര്‍ ചേര്‍ന്നാണ് ചിത്രം നിര്‍മിച്ചിരിക്കുന്നത്. ചിത്രത്തിന്റെ സംഗീതം ദീപക് ദേവിന്റേതാണ്. ജിത്തു ദാമോദറാണ് ചിത്രത്തിന്റെ ഛായാഗ്രഹണം.