ആരാധകർ കാത്തിരിക്കുന്ന ടോം ക്രൂസ് ചിത്രം മിഷൻ ഇംപോസിബിൾ ഏഴാം ഭാഗത്തിൽ ബാഹുബലി ഫെയിം അഭിനയിക്കുന്നുവെന്ന വാർത്ത തെറ്റാണെന്ന് റിപ്പോർട്ട്. വാർത്ത അവാസ്തവമാണെന്നും ഈ സിനിമയുമായി ബന്ധപ്പെട്ട് ആരും സമീപിച്ചിട്ടില്ലെന്നും താരത്തോട് അടുത്ത വൃത്തങ്ങൾ മനോരമ ഓൺലൈനിനോട് പറഞ്ഞു.

ചെറുതെങ്കിലും ഏറെ പ്രാധാന്യമുള്ള വേഷത്തിൽ പ്രഭാസ് സിനിമയിൽ ഉണ്ടാകുമെന്ന് മിഷൻ ഇംപോസിബിളിന്റെ സംവിധായകൻ ക്രിസ്റ്റഫർ മക്വാറി അഭിമുഖത്തിൽ വെളിപ്പെടുത്തിയെന്നായിരുന്നു ചില ദേശിയ മാധ്യമങ്ങൾ റിപ്പോർട്ട് ചെയ്തത്. ഇംപോസിബിൾ റോഗ് നേഷൻ, മിഷൻ ഇംപോസിബിൾ ഫാളൗട്ട് എന്നീ ചിത്രങ്ങൾക്കു ശേഷം ക്രിസ്റ്റഫർ മക്വാറി സംവിധാനം ചെയ്യുന്ന ചിത്രമാണ് മിഷൻ ഇംപോസിബിൾ 7.

അതെ സമയം ഏഴാം പതിപ്പില്‍ ഇന്ത്യന്‍ നിര്‍മിത ബി.എം.ഡബ്ല്യു. ജി 310 ജി.എസ് ബൈക്ക് ഉപയോഗിക്കുന്നതായ വാർത്ത വൈറൽ ആയിരുന്നു . ഷൂട്ടിങ്ങിനിടയിലെ ടോം ക്രൂയിസ് ചിത്രങ്ങൾ ഇന്‍സ്റ്റഗ്രാമില്‍ പങ്കുവെച്ചതോടെയാണ് ഇന്ത്യയില്‍ നിര്‍മിക്കുന്ന ജി 310 ജി.എസ് ബൈക്കും സിനിമയുടെ ഭാഗമാകുന്നുണ്ടെന്ന് വാഹനപ്രേമികളുടെ ശ്രദ്ധയില്‍പെടുന്നത്. പോലീസ് ബൈക്കായാണ് ടോം ക്രൂയിസ് ഈ ബൈക്ക് ഉപയോഗിക്കുന്നത്. അതുകൊണ്ടുതന്നെ നീല നിറത്തിലുള്ള പെയിന്റ് സ്‌കീമും പോലീസ് ഫീച്ചറുകളും ഇതില്‍ നല്‍കിയിട്ടുണ്ട്.