മമ്മൂട്ടിയെ നായകനാക്കി നവാഗതനായ ഡീനോ ഡെന്നിസ് സംവിധാനം ചെയ്യുന്ന പുതിയ ചിത്രമാണ് ബസൂക്ക. ചിത്രത്തിന്റെ ടൈറ്റിൽ പോസ്റ്റർ റീലീസ് ചെയ്തു. തോക്കിൻ മുന്നിൽ നിൽകുന്ന നായകന്റെ ഡിസൈനുമായിട്ടാണ് പോസ്റ്റർ. പ്രശസ്ത തിരക്കഥാകൃത്ത് കലൂർ ഡെന്നിസിന്റെ മകനാണ് ഡീനോ ഡെന്നിസ്.
ഗൗതം വാസുദേവ മേനോനും മമ്മൂട്ടിക്കൊപ്പം ചിത്രത്തിൽ മറ്റൊരു പ്രധാനവേഷത്തിലെത്തുന്നു. റോഷാക്കിന് ശേഷം ഛായാഗ്രഹകൻ നിമിഷ് രവിയും, സംഗീതസംവിധായകൻ മിഥുൻ മുകുന്ദനും മറ്റൊരു മമ്മൂട്ടി ചിത്രത്തിന്റെ ഭാഗമാകുന്നു എന്ന പ്രത്യേകതയും ബസൂക്കയ്ക്കുണ്ട്.
തിയേറ്റർ ആൻഡ് ഡ്രീംസും സരീഗമയും ചേർന്നാണ് ചിത്രം നിർമിക്കുന്നത്. അനീസ് നാടോടിയാണ് ചിത്രത്തിന്റെ ആർട്ട് ഡയറക്ഷൻ, തല്ലുമാലയുടെ എഡിറ്ററായ നിഷാദ് യൂസഫാണ് ചിത്രത്തിന്റെ എഡിറ്റർ.