ടേക്ക് ഓഫിന് ശേഷം സംവിധായകന്‍ മഹേഷ് നാരായണനും കുഞ്ചാക്കോ ബോബനും വീണ്ടും ഒന്നിക്കുന്നു. അറിയിപ്പ് എന്നാണ് പുതിയ ചിത്രത്തിന്റെ പേര്. കുഞ്ചാക്കോ ബോബനാണ് ഇക്കാര്യം ഫെയ്‌സ്ബുക്കിലൂടെ അറിയിച്ചത്. അറിയിപ്പിന്റെ സ്‌ക്രിപ്പിറ്റിന്റെ ചിത്രം പങ്കുവെച്ചാണ് ചാക്കോച്ചന്‍ വിവരം പങ്കുവെച്ചത്.
മഹേഷ് നാരായണന്‍ രചനയും സംവിധാനവും ചെയ്യുന്ന ചിത്രത്തിന്റെ ഛായാഗ്രാഹകന്‍ സാനു ജോണ്‍ വര്‍ഗീസാണ്. ഷെബിന്‍ ബക്കറാണ് ചിത്രത്തിന്റെ നിര്‍മ്മാണം.
ഭീമന്റെ വഴിയാണ് അവസാനമായി റിലീസ് ചെയ്ത ചാക്കോച്ചന്‍ ചിത്രം. ഡിസംബര്‍ 3നാണ് ചിത്രം തിയേറ്ററിലെത്തിയത്. മികച്ച പ്രതികരണങ്ങളോടെ ചിത്രം പ്രദര്‍ശനം തുടരുകയാണ്. ചെമ്പന്‍ വിനോദ് ജോസാണ് ചിത്രത്തിന്റെ തിരക്കഥ നിര്‍വ്വഹിച്ചത്. അഷര്‍ഫ് ഹംസയാണ് സംവിധായകന്‍.