മമ്മൂട്ടിയെയും ജ്യോതികയെയും പ്രധാന കഥാപാത്രങ്ങളാക്കി ജിയോ ബേബി സംവിധാനം ചെയ്ത ചിത്രം 'കാതൽ ദ കോറി'ന്റെ റിലീസ് തീയതി പുറത്തുവിട്ടു. ചിത്രം നവംബർ ഇരുപത്തി മൂന്നിന് ലോകമെമ്പാടുമുള്ള തിയറ്ററുകളിൽ റിലീസിനെത്തും. പന്ത്രണ്ടു വര്ഷങ്ങള്ക്കു ശേഷം ജ്യോതിക മലയാളത്തിലേക്ക് തിരിച്ചെത്തുന്ന ചിത്രം കൂടിയാണ് കാതൽ. മമ്മൂട്ടി കമ്പനി നിർമിക്കുന്ന ചിത്രം തിയറ്ററുകളിലെത്തിക്കുന്നത് ദുല്ഖര് സല്മാന്റെ വേഫേറെര് ഫിലിംസ് ആണ്. ചിത്രത്തിന്റെ തിരക്കഥ എഴുതിയിരിക്കുന്നത് ആദര്ശ് സുകുമാരനും പോള്സണ് സ്കറിയയും ചേർന്നാണ്.
28-ാമത് അന്താരാഷ്ട്ര ചലച്ചിത്ര മേളയിയലെ മലയാള സിനിമ വിഭാഗത്തിലും കാതൽ പ്രദർശിപ്പിക്കും. കാതലിന്റെ തിരക്കഥ കേട്ടപ്പോള് മമ്മൂട്ടി അത് കേട്ടിരുന്ന രീതി തങ്ങളെ എക്സൈറ്റ് ചെയ്യിച്ചിരുന്നവെന്ന് തിരക്കഥാകൃത്തുക്കളായ ആദര്ശ് സുകുമാരനും പോള്സണ് സ്കറിയയും ദ ക്യു സ്റ്റുഡിയോയ്ക്ക് നല്കിയ അഭിമുഖത്തില് പറഞ്ഞിരുന്നു. കുടുംബ പശ്ചാത്തലത്തിൽ ഒരുക്കുന്ന ചിത്രത്തിൽ ലാലു അലക്സ്, മുത്തുമണി, ചിന്നു ചാന്ദിനി, സുധി കോഴിക്കോട്, അനഘ അക്കു, ജോസി സിജോ, ആദര്ശ് സുകുമാരന് എന്നിവരാണ് മറ്റ് പ്രധാന കഥാപാത്രങ്ങളെ അവതരിപ്പിക്കുന്നത്.
മുപ്പത് ദിവസം കൊണ്ടാണ് കാതലിന്റെ ഷൂട്ടിംഗ് പൂര്ത്തിയായത്. റോഷാക്, നന്പകല് നേരത്ത് മയക്കം, കണ്ണൂർ സ്ക്വാഡി എന്നീ സിനിമകള്ക്ക് ശേഷം മമ്മൂട്ടിയുടെ സ്വന്തം ബാനറായ മമ്മൂട്ടി കമ്പനി നിർമിക്കുന്ന ചിത്രമാണ് കാതൽ. എക്സിക്യൂട്ടിവ് പ്രൊഡ്യൂസര് -ജോര്ജ് സെബാസ്റ്റ്യന്.