തെലുങ്ക് നടന് ജൂനിയര് എന്ടിആറിനെ അറിയില്ലെന്ന് പറഞ്ഞ നടി മീര ചോപ്രയ്ക്കെതിരെ സൈബര് ആക്രമണം. ട്രോളുകള്ക്ക് പുറമെ ബലാത്സംഗ, കൊലപാതക ഭീഷണി വരെ നടന്റെ ആരാധകരുടെ ഭാഗത്തു നിന്ന് നടിക്ക് നേരെയുണ്ടായി. ഇതിന് പിന്നാലെ സംഭവത്തില് പൊലീസില് പരാതി നല്കിയിരിക്കുകയാണ് നടി.
ക്യു’ ഇപ്പോള് ടെലഗ്രാമിലും ലഭ്യമാണ്. കൂടുതല് വാര്ത്തകള്ക്കും അപ്ഡേറ്റുകള്ക്കുമായി ടെലഗ്രാം ചാനല് സബ്സ്ക്രൈബ് ചെയ്യാം
ട്വിറ്ററില് ആരാധകരുമായി നടത്തിയ ചാറ്റിലായിരുന്നു ജൂനിയര് എന്ടിആറിനെ അറിയില്ലെന്ന് നടി പറഞ്ഞത്. ജൂനിയര് എന്ടിആറിനെ കുറിച്ചുള്ള ചോദ്യത്തിന്, 'എനിക്ക് അദ്ദേഹത്തിനെ അറിയില്ല, ഞാന് അദ്ദേഹത്തിന്റെ ഫാനല്ല', എന്നായിരുന്നു നടിയുടെ മറുപടി. താന് മഹേഷ് ബാബുവിന്റെ ആരാധികയാണെന്നും നടി പറഞ്ഞിരുന്നു. ഇതോടെയാണ് നടന്റെ ആരാധകര് നടിക്കെതിരെ സൈബര് ആക്രമണം ആരംഭിച്ചത്.
ഇതിന് പിന്നാലെ പ്രതികരണവുമായി നടി രംഗത്തെത്തിയിരുന്നു. 'ഒരാളുടെ ഫാന് അല്ല എന്ന് പറയുന്നത് കുറ്റമാണോ എന്ന് എനിക്കറിയില്ല. എല്ലാ പെണ്കുട്ടികളോടും എനിക്ക് പറയാനുള്ളത് ഇതാണ്, നിങ്ങള് ജൂനിയര് എന്ടിആര് ഫാന് അല്ലെങ്കില്, നിങ്ങള് ബലാത്സംഗം ചെയ്യപ്പെട്ടേക്കാം, കൊല്ലപ്പെട്ടേക്കാം, നിങ്ങളുടെ മാതാപിതാക്കള് കൊല്ലപ്പെട്ടേക്കാം. അവരുടെ ആരാധന പുരുഷന്റെ പേര് മോശമാക്കുകയാണ് അവര് ചെയ്യുന്നത്', മീര ട്വീറ്റില് പറയുന്നു.