മാട്ടുപ്പെട്ടി മച്ചാന്‍, മായാമോഹിനി, ശൃംഗാരവേലന്‍ എന്നീ സിനിമകളൊരുക്കിയ ജോസ് തോമസ് ഹ്യൂമര്‍ ട്രാക്കില്‍ നിന്ന് ഹൊറര്‍ ട്രാക്കിലേക്ക്. ബിജു മേനോന്‍ നായകനായ സ്വര്‍ണക്കടുവ എന്ന സിനിമയ്ക്ക് ശേഷം 'ഇഷ' എന്ന ഹൊറര്‍ ത്രില്ലറുമായാണ് ജോസ് തോമസിന്റെ വരവ്. ജോസ് തോമസിന്റേതാണ് തിരക്കഥയും.
ഇഷയിലെ ആദ്യഗാനം പുറത്തുവന്നു. കോടക്കാറ്റേ തരുമോ എന്ന് തുടങ്ങുന്ന ഗാനം ജോഫി തരകന്റെ വരികളിലാണ്. ജോനാഥന്‍ ബ്രൂസ് ആണ് സംഗീത സംവിധാനം. അഖിലയാണ് പാടിയിരിക്കുന്നത്.
വില്ലന്‍-കാരക്ടര്‍ റോളുകളില്‍ തിളങ്ങിയ കിഷോര്‍ സത്യ പ്രധാന വേഷത്തിലെത്തുന്ന ചിത്രവുമാണ് ഇഷ. വിഷ്വല്‍ ഡ്രീംസ് ആണ് നിര്‍മ്മാണം. ഒറ്റപ്പെട്ട് നില്‍ക്കുന്ന ഒരു ബംഗ്ലാവില്‍ അരങ്ങേറുന്ന അസ്വാഭാവിക സംഭവങ്ങളിലൂടെ മുന്നേറുന്നതാണ് ചിത്രമെന്ന് ട്രെയിലര്‍ സൂചന നല്‍കുന്നു. അഭിഷേക് വിനോദ്‌, മാസ്റ്റര്‍ അവനി, മാര്‍ഗരറ്റ് ആന്റണി എന്നിവരും പ്രധാന റോളുകളിലുണ്ട്.