കൊവിഡ് 19 വ്യാപനത്തിന്റെ പശ്ചാത്തലത്തില്‍ സിമിമാ മേഖല ഉള്‍പ്പടെ വലിയ പ്രതിസന്ധിയാണ് നേരിടുന്നത്. ഈ സാഹചര്യം പരിഗണിച്ച് തന്റെ പ്രതിഫലം 25 ശതമാനം കുറച്ചിരിക്കുകയാണ് തമിഴ് സംവിധായകനായ ഹരി. തന്റെ പുതിയ ചിത്രത്തിന് വേണ്ടി സ്ഥിരം വാങ്ങുന്നതില്‍ നിന്ന് 25 ശതമാനം കുറവ് തുകയേ പ്രതിഫലമായി വാങ്ങൂ എന്നാണ് ഹരി അറിയിച്ചത്.

ക്യു’ ഇപ്പോള്‍ ടെലഗ്രാമിലും ലഭ്യമാണ്. കൂടുതല്‍ വാര്‍ത്തകള്‍ക്കും അപ്‌ഡേറ്റുകള്‍ക്കുമായി ടെലഗ്രാം ചാനല്‍ സബ്‌സ്‌ക്രൈബ് ചെയ്യാം

സൂര്യ നായകനായെത്തുന്ന 'അറുവാ'ആണ് ഹരിയുടെ അടുത്ത ചിത്രം. കൊവിഡും ലോക്ക് ഡൗണും സിനിമാ മേഖലയെ വലിയ രീതിയില്‍ ബാധിച്ചിരിക്കുകയാണ്, നിര്‍മ്മാതാക്കളെ സഹായിച്ചാല്‍ മാത്രമേ ഈ സാഹചര്യത്തില്‍ നിന്ന് കരകയറാനാകൂ എന്ന് ഹരി പ്രസ്താവനയില്‍ പറഞ്ഞു. ഹരിയുടെ തീരുമാനത്തിന് പിന്തുണയുമായി തമിഴ് സിനിമാ മേഖലയിലെ നിരവധി പേര്‍ രംഗത്തെത്തിയിട്ടുണ്ട്.

നടനും സംവിധായകനുമായ വിജയ് ആന്റണി തന്റെ വരാനിരിക്കുന്ന മൂന്ന് പ്രൊജക്ടുകളുടെ പ്രതിഫലം 25 ശതമാനം കുറയ്ക്കുന്നതായി നേരത്തെ അറിയിച്ചിരുന്നു. ഇതിന് പിന്നാലെ നടന്‍ ഹരീഷ് കല്യാണും തന്റെ പ്രതിഫലം 25 ശതമാനം കുറച്ചതായി അറിയിച്ചിരുന്നു.

ദ ക്യു പ്രോഗ്രാമുകള്‍ക്കും വീഡിയോകള്‍ക്കുമായി ഞങ്ങളുടെ യൂട്യൂബ് ചാനല്‍ ഈ ലിങ്കില്‍ സബ്‌സ്‌ക്രൈബ് ചെയ്യാം