ഫെഫ്ക റൈറ്റേഴ്സ് യൂണിയന്റെ ചരിത്രത്തില്‍ ആദ്യമായി പ്രസിഡന്റ് സ്ഥാനത്തേക്ക് മത്സരം. ശനിയാഴ്ച നടക്കുന്ന തെരഞ്ഞെടുപ്പില്‍ ബാലചന്ദ്രന്‍ ചുള്ളിക്കാടും ജോയ് മാത്യുവും തമ്മില്‍ മത്സരിക്കും. മലയാള സിനിമയിലെ നൂറോളം എഴുത്തുകാര്‍ ഈ തെരഞ്ഞെടുപ്പ് പ്രക്രിയയില്‍ ഭാഗമാകും. തിരക്കഥാകൃത്ത് ജിനു എബ്രഹാം സെക്രട്ടറി സ്ഥാനത്തേക്ക് എതിരില്ലാതെ തെരഞ്ഞെടുക്കപ്പെട്ടിരുന്നു.

പ്രസിഡന്റ് ജനറല്‍ സെക്രട്ടറി സ്ഥാനങ്ങളിലേക്ക് നാമനിര്‍ദ്ദേശപ്രക്രിയയായിരുന്നു ഇതുവരേക്കും രീതി. അതാണ് ഇത്തവണ മാറുന്നത്. എസ്.എന്‍. സ്വാമിയാണ് നിലവിലെ അധ്യക്ഷന്‍. ഔദ്യോഗിക പാനലിന്റെ ഭാഗമായിട്ടാണ് ബാലചന്ദ്രന്‍ ചുള്ളിക്കാട് മത്സരിക്കുന്നത്.