‘മൈസൂര്‍പാക്കും പൊട്ടറ്റോ ചിപ്‌സുമില്ലാതെ തിരിച്ചു വരണ്ട’; രണ്‍വീറിന്റെ പോസ്റ്റിന് ദീപികയുടെ കമന്റ്, മറക്കല്ലേയെന്ന് ആരാധകര്‍
രണ്‍വീര്‍ സിങ് പ്രധാന കഥാപാത്രകമായെത്തുന്ന സ്‌പോര്‍ട്‌സ് ഡ്രാമ ചിത്രമാണ് '83'. ചിത്രത്തിന്റെ ഫോട്ടോഷൂട്ടിനായി ചെന്നൈയിലെത്തിയ രണ്‍വീറിന് ദീപിക അയച്ച മെസേജാണ് ആരാധകര്‍ ഏറ്റെടുത്തിരിക്കുന്നത്. സിനിമയുടെ ഭാഗമായ കാരക്റ്റര്‍ പോസ്റ്റര്‍ പങ്കുവെച്ചുകൊണ്ടുള്ള രണ്‍വീറിന്റെ പോസ്റ്റിന് താഴെയായിരുന്നു ദീപികയുടെ കമന്റ്.
ദ ക്യു’ ഇപ്പോള്‍ ടെലഗ്രാമിലും ലഭ്യമാണ്. കൂടുതല്‍ വാര്‍ത്തകള്‍ക്കും അപ്‌ഡേറ്റുകള്‍ക്കുമായി ടെലഗ്രാം ചാനല്‍ സബ്‌സ്‌ക്രൈബ് ചെയ്യാം
ശ്രീകൃഷ്ണയില്‍ നിന്ന് ഒരു കിലോ മൈസൂര്‍പാക്കും, ഹോട്ട് ചിപ്‌സില്‍ നിന്ന് രണ്ടര കിലോ പൊട്ടറ്റോ ചിപ്‌സുമില്ലാതെ ചൈന്നൈയില്‍ നിന്ന് തിരിച്ചുവരേണ്ടെന്നായിരുന്നു ദീപികയുടെ കമന്റ്. ചുരുങ്ങിയ സമയത്തിനുള്ളിലാണ് ദിപികയുടെ കമന്റ് വൈറലായത്.
ഇന്ത്യന്‍ ക്രിക്കറ്റ് ടീം മുന്‍ ക്യാപ്റ്റന്‍ കപില്‍ ദേവിന്റെ ജീവിതവും 1983ലെ ലോകകപ്പ് വിജയവും പ്രമേയമാക്കി ഒരുക്കുന്ന ചിത്രമാണ് '83'. രണ്‍വീര്‍ സിങ് കപില്‍ ദേവായി എത്തുമ്പോള്‍, കപിലിന്റെ ഭാര്യ റോമിയുടെ വേഷത്തിലെത്തുന്നത് ദീപിക പദുകോണാണ്. കബീര്‍ ഖാനാണ് ചിത്രത്തിന്റെ സംവിധാനം.