Film News

അനശ്വര രാജന് സൈബർ ആക്രമണം, വേഷം നാടിന്റെ സംസ്കാരത്തിന് യോജിക്കാത്തതെന്ന് കമന്റ്

നടി അനശ്വര രാജനെതിരെ സൈബർ ആക്രമണം. അനശ്വരയുടെ പുതിയ ഫോട്ടോ ഷൂട്ട് ആണ് ഇൻസ്റ്റഗ്രാമിലെ സൈബർ അക്രമികളെ പ്രകോപിപ്പിച്ചത്. ‘18 വയസ് ആയതല്ലേ ഉള്ളൂ അപ്പോഴേക്കും മോഡേൺ ഷോ തുടങ്ങിയോ’, 'ഇനി അടുത്തത് എന്ത് വസ്ത്രമായിരിക്കും ഇടുന്നത്' തുടങ്ങി വസ്ത്രധാരണത്തെ ആക്ഷേപിച്ചും കളിയാക്കിയും കൊണ്ടുളള കമന്റുകളാണ് വന്നുകൊണ്ടിരിക്കുന്നത്.

അടുത്തിടെയായിരുന്നു പതിനെട്ടാം പിറന്നാൾ ആഘോഷിക്കുന്നതിന്റെ ചിത്രങ്ങൾ അനശ്വര സോഷ്യൽ മീഡിയയിലൂടെ പങ്കുവെച്ചത്. അതിന് പിന്നാലെ വന്ന മോഡേൺ വേഷത്തിനുളള ചിത്രം ചിലർക്കൊന്നും തീരെ പിടിച്ചില്ല. മുമ്പ് ദാവണിയിലും പട്ടുപാവാടയിലുമുളള അനശ്വരയുടെ ഫോട്ടോഷൂട്ടിന് സോഷ്യൽ മീഡിയയിൽ വലിയ പിന്തുണയായിരുന്നു. എന്നാൽ ഇപ്പോൾ അനശ്വരയുടെ വേഷം നാടിന്റെ സംസ്കാരത്തിന് യോജിക്കാത്തതാണ്, അതുകൊണ്ടാണ് പ്രതികരിക്കുന്നതെന്ന് ചിലർ. നടിമാരായ സാനിയ ഇയ്യപ്പൻ, മീര നന്ദൻ, ദുർ​ഗ കൃഷ്ണ എന്നിവർക്കും സമാന രീതിയിൽ വേഷത്തിന്റെ പേരിൽ സൈബർ ആക്രമണങ്ങൾ നേരിടേണ്ടി വന്നിട്ടുണ്ട്.

സദാചാരപ്പോലീസിങിന് കമന്റിലൂടെ തന്നെ മറുപടിയും നൽകുന്നുണ്ട് ചിലർ. കമന്റ് ബോക്സിൽ വന്ന് നാടിന്റെ സംസ്കാരത്തെ കാത്തു രക്ഷിക്കാൻ വേണ്ടി വാ തോരാതെ അലക്കുന്ന ഈ മഹാ പുരുഷന്മാർ നമ്മുടെ നാടിന്റെ നട്ടെല്ലാണ്. അവർ ഇല്ലായിരുന്നു എങ്കിൽ ഈ നാടിന്റെ ഗതി എന്താകുമെന്ന് ഓർക്കാൻ പോലും വയ്യെന്നുമുളള പരിഹാസ കമന്റ് അവയ്ക്കിടയിൽ ശ്രദ്ധനേടുന്നു.

തലമുറകളുടെ രുചിക്കൂട്ട്; ഷാർജ പുസ്തകോത്സവത്തിൽ ഒമാനി ഹൽവയുടെ മധുരം

ഷാർജ പുസ്തകോത്സവത്തിന് നാളെ സമാപനം

കളങ്കാവലിലെ സ്റ്റീഫനിൽ നിന്ന് ബാഹുബലി നിർമ്മാതാക്കളുടെ 'ജോൺ ഡോ'യിലേക്ക്: സുശീൽ സുരേന്ദ്രൻ അഭിമുഖം

'മെറിബോയ്സ്' റിലീസ് ഡിസംബറിൽ; ചിത്രത്തിലെ ആദ്യ ക്യാമ്പസ് ഗാനം പുറത്തിറങ്ങി

ഭാവനയിലൂടെ യാഥാർഥ്യത്തെ മാറ്റാം; കഥകളുടെ ലോകം ചർച്ച ചെയ്ത് പുസ്കകമേള

SCROLL FOR NEXT