ബോളിവുഡ് താരം സുശാന്ത് സിംഗ് രജപുത് മുംബൈയിലെ വസതിയില്‍ മരിച്ച നിലയില്‍. ആത്മഹത്യയാണെന്നാണ് പ്രാഥമിക നിഗമനം. വീട്ടുജോലിക്കാരന്‍ അറിയിച്ചതിനെ തുടര്‍ന്ന് പൊലീസ് ബാന്ദ്രയിലെ സുഷാന്തിന്റെ ഫ്‌ളാറ്റിലെത്തിയപ്പോള്‍ തൂങ്ങിമരിച്ച നിലയില്‍ കണ്ടെത്തുകയായിരുന്നു.
ചേതന്‍ ഭഗതിന്റെ ത്രീ മിസ്റ്റേക്‌സ് ഓഫ് മൈ ലൈഫ് എന്ന നോവലിന്റെ ചലച്ചിത്ര രൂപമായ കൈ പോ ചെ എന്ന സിനിമയിലൂടെയാണ് സുശാന്ത് സിംഗ് രജപുത് സിനിമയിലെത്തിയത്. പികെ എന്ന സിനിമയിലെ സര്‍ഫറാസ് യൂസഫ് എന്ന കഥാപാത്രവും ശുദ്ധ് ദേശി റൊമാന്‍സിലെ രഘുറാം എന്ന കഥാപാത്രവും ശ്രദ്ധിക്കപ്പെട്ടെങ്കിലും മഹേന്ദ്രസിംഗ് ധോണിയുടെ ബയോപിക് ആയ എംഎസ് ധോണി ദ അണ്‍ടോള്‍ഡ് സ്‌റ്റോറി ആണ് സുശാന്തിന് വലിയ ബ്രേക്ക് നല്‍കിയത്. ധോണിയുടെ വേഷത്തിലാണ് സുഷാന്ത് എത്തിയത്.
അഭിഷേക് കപൂറിന്റെ കേദാര്‍ നാദിലും നിതീഷ് തിവാരിയുടെ ചിച്ചോരെയിലും സുശാന്ത് പ്രധാന കഥാപാത്രമായിരുന്നു.