വിഖ്യാതനായ മനഃശാസ്ത്രജ്ഞന്‍ സിഗ്മണ്ട് ഫ്രോയിഡിന്റെ ജീവിതം പ്രമേയമാകുന്ന ഫ്രോയിഡ്‌സ് ലാസ്റ്റ് സെഷന്‍ എന്ന ചിത്രത്തില്‍ ആന്റണി ഹോപ്കിന്‍സ് ഫ്രോയിഡാകും. മാത്യു ബ്രൗണ്‍ സംവിധാനം ചെയ്യുന്ന ചിത്രത്തിന്റെ പ്രഖ്യാപനം കാന്‍സ് ഫിലിം ഫെസ്റ്റിവലില്‍ നടന്നു.
രണ്ടാം ലോക മഹായുദ്ധ പശ്ചാത്തലത്തില്‍ ഫ്രോയിഡിന്റെ അവസാന കാലഘട്ടമാണ് ചിത്രത്തിന്റെ പ്രമേയം. ഫ്രോയിഡും എഴുത്തുകാരന്‍ സി.എസ് ലൂയിസും തമ്മില്‍ ദൈവം ഉണ്ടോ എന്നതിനെക്കുറിച്ച് ഉണ്ടായ ചര്‍ച്ചകളിലൂടെയായിരിക്കും ചിത്രം കടന്നു പോവുക.
ആശയപരമായി ധ്രുവീകരിക്കപ്പെട്ട ഒരു കാലഘട്ടത്തിലാണ് നമ്മള്‍ ജീവിക്കുന്നത്. അവരവരുടെ കൂട്ടത്തില്‍ മാത്രം മുഴുകി മറ്റുള്ളവരുമായി യഥാര്‍ഥ സംഭാഷണങ്ങളില്‍ ഏര്‍പ്പെടാത്ത കാലഘട്ടം. എല്ലാ പ്രേക്ഷകര്‍ക്കുമായി വൈകാരികവും ക്രിയേറ്റീവും ചിന്തിപ്പിക്കുന്നതമായ സിനിമ ഒരുക്കുകയാണ് തന്റെ ലക്ഷ്യമെന്ന് സംവിധായകന്‍ പറഞ്ഞു. ചിത്രത്തിന്റെ ഷൂട്ടിംഗ് ഈ വര്‍ഷം അവസാനത്തോടെ ആരംഭിക്കും.