തമിഴിലെ സൂപ്പര്ഹിറ്റ് ഡയറക്ടര് ശിവ രജനീകാന്തിനെ നായകനാക്കി സംവിധാനം ചെയ്ത അണ്ണാത്തെയുടെ ട്രെയ്ലര് പുറത്തിറങ്ങി. ദീപാവലി റിലീസാണ് സിനിമ. ചിത്രത്തില് കാലയ്യ എന്നാണ് രജനികാന്തിന്റെ കഥാപാത്രത്തിന്റെ പേര്. ചിത്രത്തില് നയന്താരയാണ് നായിക. കീര്ത്തി സുരേഷ് രജികാന്തിന്റെ അനിയത്തിയുടെ വേഷമാണ് അവതരിപ്പിക്കുന്നത്.
ഖുശ്ബു, മീന, സൂരി, പ്രകാശ് രാജ്, ജഗപതി ബാബു, അഭിമന്യു സിംഗ് എന്നിവരും ചിത്രത്തിലുണ്ട്. വെട്രി പളനിസ്വാമിയാണ് ക്യാമറ. സണ് പിക്ചേഴ്സാണ് നിര്മ്മാണം.
ഗ്രാമീണ പശ്ചാത്തലത്തില് അരങ്ങേറുന്ന ആക്ഷന് ഡ്രാമയാണ് അണ്ണാത്തെ. കബാലി, കാല, 2.0, പേട്ട, ദര്ബാര് എന്നീ സിനിമകള്ക്ക് ശേഷമെത്തുന്ന രജനികാന്ത് ചിത്രവുമാണ്. ഹൈദരാബാദ് രാമോജി റാവു ഫിലിം സിറ്റിയിലായിരുന്നു പ്രധാനമായും ചിത്രീകരണം.
തല അജിത്തിനെ നായകനാക്കി വേതാളം, വിവേകം, വിശ്വാസം എന്നീ സിനിമകള് തുടര്ച്ചയായി ഒരുക്കിയ ശിവ സൂപ്പര്സ്റ്റാര് രജനീകാന്തിനൊപ്പം കൈകോര്ക്കുന്ന ചിത്രവുമാണ് അണ്ണാത്തെ. നവംബര് നാലിന് അണ്ണാത്തെ തിയറ്ററുകളിലെത്തും. രാഷ്ട്രീയ പ്രവേശനം ഉപേക്ഷിച്ചതിന് ശേഷം തിയറ്ററിലെത്തുന്ന രജനീകാന്ത് ചിത്രവുമാണ് അണ്ണാത്തെ.