ഫോട്ടോ ഷൂട്ടിനായി പകർത്തിയ ചിത്രം ദുരുപയോഗം ചെയ്തെന്ന് ചൂണ്ടിക്കാട്ടി ഗായകൻ ഭവ്നിന്ദര് സിംഗിനെതിരേ നിയമനടപടിക്ക് നടി അമല പോൾ. കുറച്ചു നാളുകൾക്ക് മുൻപ് ഭവ്നിന്ദര് സിംഗ് സമൂഹ മാധ്യമങ്ങളിൽ പങ്കുവച്ച ചിത്രമാണ് വിവാദമായത്.
പരമ്പരാഗത രാജസ്ഥാനി വധൂവരന്മാരുടെ വേഷത്തിൽ ഇരുവരും നിൽക്കുന്ന ചിത്രം വിവാഹ ചിത്രമാണെന്ന് തെറ്റിദ്ധരിക്കപ്പെടുകയും മോഷ്യൽ മീഡിയയിൽ ചർച്ചയാവുകയും ചെയ്തിരുന്നു. ചിത്രങ്ങളെ ചൊല്ലിയുളള പ്രചരണങ്ങൾ വ്യാപകമായതോടെ ഭവ്നിന്ദര് സിംഗ് അവ സമൂഹ മാധ്യമത്തിൽ നിന്ന് നീക്കം ചെയ്തു. സംഭവം വിവാദമായതിനെ തുടർന്ന് ഇരുവരുമൊത്തുളള പഴയ ചിത്രങ്ങളും സോഷ്യൽ മീഡിയയിലൂടെ പ്രചരിക്കുന്നുണ്ട്.
ചിത്രങ്ങളെ ചൊല്ലിയുളള പ്രചരണങ്ങൾ വ്യാപകമായതോടെ ഭവ്നിന്ദര് സിംഗ് അവ സമൂഹ മാധ്യമത്തിൽ നിന്ന് നീക്കം ചെയ്തു. എന്നാൽ ചിത്രം തെറ്റായ രീതിയിൽ ഉപയോഗിച്ചെന്നും, സമൂഹത്തിൽ തെറ്റിദ്ധരിപ്പിക്കപ്പെട്ടെന്നും ചൂണ്ടിക്കാട്ടി അമല പോൾ ഭവീന്ദര് സിംഗിനെതിരെ മാനനഷ്ടത്തിന് പരാതി നൽകി. പരാതിയ്ക്ക് മദ്രാസ് ഹൈക്കോടതി അനുമതി നല്കിയിട്ടുണ്ട്.