അമിതാഭ് ബച്ചനും അഭിഷേക് ബച്ചനും പിന്നാലെ ഐശ്വര്യ റായിക്കും മകള് ആരാധ്യ ബച്ചനും കൊവിഡ് സ്ഥിരീകരിച്ചു. ഇവരെയും മുംബൈ നാനാവതി ആശുപത്രിയിലേക്ക് മാറ്റി. ഐശ്വര്യയുടെയും മകളുടെയും ആന്റിജന് പരിശോധനാഫലം നെഗറ്റീവായിരുന്നു. സ്രവ പരിശോധനയിലാണ് രോഗം സ്ഥിരീകരിച്ചത്.
ജയ ബച്ചന്, മകള് ശ്വേത, മക്കളായ നവ്യ, അഗസ്ത്യ എന്നിവരുടെ പരിശോധനാഫലം നെഗറ്റീവാണ്. താര കുടുംബത്തില് അമിതാഭ് ബച്ചനായിരുന്നു ആദ്യം കൊവിഡ് സ്ഥിരീകരിച്ചത്. ഇതിന് പിന്നാലെ അഭിഷേക് ബച്ചനും രോഗം സ്ഥിരീകരിച്ചു.
ഇരുവര്ക്കും നേരിയ ലക്ഷണങ്ങള് മാത്രമാണുള്ളതെന്നും, ആരോഗ്യനില തൃപ്തികരമാണെന്നും ഞായറാഴ്ച ഇറക്കിയ പ്രസ്താവനയില് നാനാവതി ആശുപത്രി അറിയിച്ചിരുന്നു.