ആമിർഖാന്റെ മകൻ ജുനൈദ് ആമിർ ഖാൻ ബോളിവുഡിലേയ്ക്ക്. യഷ് രാജ് ഫിലിംസിന്റെ ചിത്രത്തിലൂടെയാണ് അരങ്ങേറ്റം. ജുനൈദിന്റെ സിനിമാ പ്രവേശനത്തെ കുറിച്ച് മുമ്പും വാർത്തകൾ പ്രചരിച്ചിരുന്നെങ്കിലും ഔദ്യോ​ഗിക സ്ഥിരീകരണം ഉണ്ടായിരുന്നില്ല. 'മഹാരാജ' എന്ന് പേരിട്ടിരിക്കുന്ന ചിത്രത്തിലൂടെയാണ് ജുനൈദ് ഖാന്റെ ആരങ്ങേറ്റമെന്ന് റിപ്പോർട്ടുകൾ പറയുന്നു

റാണി മുഖർജി പ്രധാന വേഷത്തിൽ എത്തിയ 'ഹിച്ച്കി'യുടെ സംവിധായകൻ സിദ്ധാർത്ഥ് പി മൽഹോത്രയാണ് സംവിധാനം. ബിഗ് ബജറ്റിൽ ഒരുക്കുന്ന ചരിത്ര സിനിമയായിരിക്കും മഹാരാജ എന്നും റിപ്പോർട്ടുകൾ പറയുന്നു.

'ബണ്ടി ഔർ ബബ്ലി 2' വിലൂടെ അരങ്ങേറ്റം കുറിക്കുന്ന ഷർവാരി വാഗ് ആയിരിക്കും നായിക. 'പതാൽ ലോക്' വെബ് സീരീസിലൂടെ ശ്രദ്ധേയനായ ജയ്ദീപ് അലാവത് ചിത്രത്തിൽ പ്രധാന വേഷത്തിലെത്തുമെന്നും റിപ്പോർട്ടുകളുണ്ട്. അഭിനേതാക്കളുടെ കാര്യത്തിൽ ഔദ്യോ​ഗിക സ്ഥിരീകരണം ആയിട്ടില്ല.